سجل دخولك للمنتدى ببيت شعر اعجبك

[غموض الشمال]

اسهر مع الاحزان ومرافق اليـاس
ودمع الاسى مثل المطر فوق خدي
والليل الاسود جاب لي كل هوجاس
هاجس معي واقف وهاجس يودي

[بنت الكحيلا]

صغت همي بالكتابه....والقوافـي بـي تميـل

بيـن صفحـات ودفاتر....هالمعانـي هايلـه

حرف غارق في مصابه....حرف احساسه ثقيل

وحرف في همه يكابر....رغم شـوق ٍ شايلـه

يامطر وجـدي صفابه....واستحثيتـه رحيـل

اعزف احساسي خواطر....بالهـوى متمايلـه

صيغني حسن ومهابه....حرف صلـدٍ مايميـل

واسكب اشواقي مزاهر....بالسحـب متخايلـه

[غموض الشمال]

ليت ( العروق ) إنتي وأنا داخلك ( دم )
و أعيش وسطك مـا بقى من زماني


لا أمـوت من ضيقه ولا أموت من غم
ولا أقول بكره يآتي أحدً مكاني

[بنت الكحيلا]

بيني وبين الصمت لي عشره وسنين
وأخاف أخون الصمت لامن تكلمت

بعض الحكي يوجع ولو كان حرفين
وش ينفعك لامن حكيت و تندمت ،,,

[غموض الشمال]

انت بتعيش غربه .. كان قلبك نزيه
وكانه العكس بتعيش بحياتك مليك

ممكن اتحن ..لا لا ممكن آحن .. إيه
ويمكن آموت باشواقي .. وذنبي عليك !

[محمد بن موسى]

/////

أذكر
إني كنت جآلس لك .. [ هنا ]
كنــت أفكر بيــن أبيــك ومــآ أبيـك

بـ أعلى
صــوتي قلـت مــآ أحبـك وأنا
ميـــتٍ قلبـــي مـــن اللهـفـه عليــك

/////

[بنت الكحيلا]

من عادتي لا عكّر الوقت جوّي
أخفي دموعي عن نظر كل غالي
ما ابدي تناهيدي ولو شبّ ضوّي
وأدفن همومي بين فكري وبالي
وش عاد لو بركان حزني يدوّي
وإلاّ يهد بداخلي كل عـــــــالي
الله بلاني ب(العقل)و ش أسوّي؟
دربي يميل ولا يميل اعتدالي
حيّرت في ممشاي حيلة عدوّي
لين اقتنع في طيبتي وانثنا لي
هذا وانا في سكّة الحب توّي
بأوّل خطاوى رحلتي وارتحالي
من عافته عيني ..هفا من علوّي
ومن حبّته نفسي ..سكن بالعلالي