اقتباس:
المشاركة الأصلية كتبت بواسطة هيـاا العـازمـي
.
.
أستغرب
كيف سأقضي الشهر الفضيل هذا العام ..؟
بالله عليكم أي شهر فضيل ..!؟
.
.
وينك يبّـه؟
علمني كيف أفرح؟ وكيف أعيش؟
وإنت في عيني بعيد .. وأنا في مكاني فقيده
ويييينك يبّـه؟
|
اوخيتي// هياا العازمي
رحم الله من فقدتي واسكنه فسيح جناته
علنا نتشاطر الحزن سوياً
فلقد نكأتي الجرح بسؤالك وتساؤلك
فالمصاب واحد
ولكن لانملك لهم الا الدعاء
يُبه شلونك؟؟؟...
ملل هالــكــون من دووووووووونك ..
يُبه شلونك ؟؟....
وتمضي رحلة الدنيا..بليا طلة عيونك..؟؟!!
يُبه شلونك ؟؟...
وشلون المرض وياك ؟؟ بعد ماهدك بدنياك..عساها تغمض جفونك ؟؟
تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟
يُبه~]!... حنا صرنا كبار..توفقنا وتخرجنا..يبه ماعاد فيه صغار..يموج بهالزمن كل شي..وحنا ماتموجنا..
على ذاك العهد نسري..نبيع العمر والدنيا..ولا تخلف بنا ظنونك
يُبه شلونك ؟؟...
؟؟ تبي تدري عن اخباري ؟؟ عن افكاري وتذكاري ؟؟
اشيلك داخلي جمره ..وبعيون الحزن عبره..تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..
احسك مقبل بكرى..وعيا لايجي بكرى..!!!
يُبه ~]!...تذكر زمان مر؟؟ يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟
يُبه ~]!... تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟
لاجل هذا ..وكل هذا .. اقول اليوم يايبــه ..
ملــــــــــــــل هالكون من دونك
يُبه ~]!...وينك ؟؟ .... ولهت لنظره من عينك ....
يُبه ~]!...وينك ؟؟ اشوفه طوّل غيابك !! ... و من ودّاك .... ما جابك !!
قالو ما يدوم الزين !! ... و انا عندي امل للحين .. و لكني اعرفك وين !!
يُبه ~]!...وينك ؟؟ ....عسى الداعي يبه بس خير ؟!!
عساك بخير .... مداين تكرم لعينك ... بس ارجوك علمني ... علمني .. يُبه ~]!...وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين .. في رجوعك !! ....
يبه بس تكفى علمني .... متى رجوعك ؟؟ .... يبه بس تكفى علمني .
وش احلى من طلوع اثنين ؟؟ طلوع الشمس .... و طلوعك
يُبه ~]!...وينك ؟؟
سألت امي ...... غيابك طال ؟؟ ....ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال و اشوفه طال ... والله طال .. !!!
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا ..
ارد و اسأل !! يُبه ~]!..... وينك ؟؟ و لكني اعرفك وين !!
شبكت العشر في غيابك ... على راس ٍ كساه الشيب .. و من وداك ... ما جابك
و لا ادري وش يخبي الغيب !! ... و جرح ٍ عذ ّب احبابك .... يُبه ~]!.....عيّا يخف و يطيب !!
يُبه ~]!...كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ...
و هذا الفرق في جرحي ... عجز يلقا الدوا دكتور .. انا جرحي ...غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم ..
بس عندي امل للحين !! ... و لا كنّي اعرفك وين !!
يُبه~]! .. ذكراك تفرحني .... في نفس الوقت تجرحني !! لا من جبت في طاريك .دموعي غصب تفضحني .!
يُبه~]! .. تذكر ليالي الصيف ؟؟ عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف ..
زمن قاسي .. زمن قاسي ... اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يُبه~]!...وينك ؟؟ تعال و شوف ... كبرنا مثل ما تمنيت ... درسنا كل ما حبيت ..
نصلي مثل ما وصيت .. و ندعيلك في كل ظروف ..
يُبه~]!... وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!
يُبه~]! ...تذكر شطانـتـنا ؟؟
انا و اخوي و اخواتي . نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ... ترجع .. يا يبه ~]!...حنيت ..
حسافه الدنيا ما ترحم ... خذت منا سعادتنا ... خذتك بعيد .. و خلتنا !!!
نحبك يُبه ~]!... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يُبه~]!..ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت .. و قلنا يوم !!
قبل ينشف حبر الأقلام ..كلامي بعده ما خلّص... يُبه~]!.. سامحني ...بترخّص ..
و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !! بس لازم تجاوبني ..
ترى عندي امل للحين !! .. و لكني اعرفك وين ..!!
يُبه ~]!... شلونك ؟
♣
♣
♣
كلمات كتبت بالدمع...لتعبر عن كل ما أردت قوله
تنفث دخان كتم سنينا في صدري من احتراق قلبي عليك
نعم فقد احرقني رحيلك ابي؟
♣
♣
يابوي
ليتك حيّ وتشوف حالي....تشوف وش هو صار من بعد فرقاك
صار الوطن بعدك من الناس خالي...صار الوطن غربه بعد ( مافقدناك)
يابوي أنا بعدّك سهير الليالي .... مقهور من دنيّاي منّا.... ومنّاك !
حدتني الدنيا وأنا راس مالي ..... إني (عزيزة نفس ) مثلك وشرواك
مافيه شيٍ في حياتي صفالي ....حتى الورود إن جيتها صارت أشواك
أطيـــــــــــــح واحمولي عليّه إثقالي ... وأتخيلك مديت لي كف , يمناك
بعــــــدّك ولامره ترى (إرتاح بالي) .....أصفّق على كفي ندم وآتحراك
من ضيقتي ياكّم أصّدق خيالي....وأقوم أدوّر عنّك وآقول ب القــــــــاك
أضــــــــيع بالعالم وهمي سؤالي ؟....ابوي وينك ؟ ليه ماعاد شفناك ؟
أدري لو إنك حي ياعز غــــــــالي .... يمديك تفزع قبل ماجيك وانخاك !!
ويلاه ياحالي وماهو جرالي .... ويلاه , ياقلبٍ تعذب في طريــــــــــــاك
ويــــــــلاه يابويّه من اول وتالي.....لا.. والله أول كان ينجيني إدعاك
واليوم من بعدك وش اللي بقالي.....غير إني أدعي ربي يغفــــــر خطاياك
يالله حطّه وسط منزال عــــــــــــالي.....في (جنة الفردوس) يارب الافلاك
واغفر ذنوبه ياعزيز الجلالي.....وشرح لي صدرٍ ضاق من جّور دنياك
04/07/10, (10:04 PM)
رد: دعوة لهذيان غريب .. / لـ نستغرب ..}
العرض العادي
