حروف متناثرة ارهقهاا الزمان

[محمد بن موسى]

المشاركة الأصلية كتبت بواسطة محمد بن موسى

رد على احد قصائد الشاعر العذب / بندر السديري
في رثائه لوالدته رحمها الله وكان موجه القصيدة لي
ولم يسعفني الوقت انذاك لأنزالها في نفس الموقع السابق

وللتوضيح ( االملكي ) بندر السديري ..
(( عآسف المهره )) محمد بن موسى ..

ياعاسف بحور القوافي تناديك =حضّـر هـنا ياطـيـب السـاس نـفــداك
باخذ معك طاروق والله يحـييـك=وإسمـع لصوتن حـزت الضيق ناداك
ياخوك دمعي باالمحاجر يحاكيك=وفيني من انواع الحزن ماهو يخفاك
حزني عـليها فكك الحـال تفكيـك=كـني وطيـت بباطـن الـرجـل الاشـواك
فـقـدتها واعـطـيت درب التهاليـك=مابين وجــد ودمـع واحــزان وإربـاك
تبكيـك عـيني وغـبة الروح تبكيـك=ياالغاليه يـمّـــه عـسى الخـلـد مـاطاك
يالله عسى غـر السحايب تساقيـك=ياتــراب قـبـــرن ضـم غــالـي تمثـنـاك
يالـيتـني بألـحـاد قـبــرك مخــاويـك=بنــدر يايـمّــــه عـاف وقـتـــه بـلـيــــاك
ينـعـاك دمعـي والشعـر وين اوديك=حتى حمـام الـورق مـن حــزني ينـعــاك
ضاق الخلا وفجـوجه بعـيـن غاليك=عـقـب الفــراق اللـي ذبحـنـي بـفــرقــاك
جتك القوافي من السديـري تناجيـك=وإسلـم عـسى صــدوف المنـايا تـعـــداك

...........وهذا ردي على بندر السديري..................

يامرحبا ياللي نزيهه مباديك=اعداد ماشاشت حروفي لطرياك
ايو الله احضر وافتخر في معاليك=ولي الشرف يالدوسري في ملاقاك
جيت بشموخ الوايلي جيت اعزيك=ولاجيت اماري بالقوافي اتحداك
جيتك اعزي من فقدته بغاليك=نهر الحنان اللي لها تتعب خطاك
يالله عساها تنذكر عند باريك=في جنة الفردوس بجوار مولاك
ويالله عسى مايوم يالقرم نبكيك=ويعيش ابوك اللي على الطيب رباك
تمت وحرفي الوايلي جاء يعزيك=وعسى الحزن ياطيب الفال ينساك

والمعذره على التقصير يابندر

[محمد بن موسى]

(( اللكدش ))

عشــنا وشفـنا للكـــّدش ياهـل الخـير=وبريك دانــس وراب بأرض الطهـاره
واشــياء تغــث البال تحتاج تفســــير =متــنثرة فــــي كــل شــــارع وحـــاره
مـــدري جهــل والا تخـــلف وتغـرير=او ضعف وازع يحسـبوها حضـــاره
والا مـن اهـل الدين ياناس تقصـــير=وعن النصــيحه ساعــدو بأنــــتشاره
صارو على الشاشات في حزة عصير=تعــّرض لهم مكــسات فــّن ومهـــاره
وجمهورواستعراض وعروض تبصير=للي جهــــل في فنهـــــم وازدهـــــاره
وين الشـــّـيم وين القــــّيم يالمناعـير=وين الــــرجال اهـــل السنع والنعـاره

[محمد بن موسى]

لا تخاف أسلم ،، ترى صدري وسيع
..............{ والكلمه إللي قلتها لي ،، ( وافيـه ) !!

لا صارت الهقوة مطر !! ،، قلبي ربيع
.............{ وإلاّ الجروح إن زادت " أجر وعافيـه "

[محمد بن موسى]

كلما صارت الذكرى قديمـه=كلمـا زاد فالخافـق غلاهـا
بعض الاحجار لا قالوا كريمه=ويش مقدارها لـولا بطاهـا
والبطا زاد دهن العود قيمـه=عتّقته السنين اللـي قضاهـا

[محمد بن موسى]

وش لك بترديد الكلام المقفّى=ما جيت لك طرقي ولا جيت لك ضيف
جيتك أقول ان الوفا لا توفّى=وان الزمن لا من غشى أكثره زيف
ارجع وتلقاني القراح المصفّى=ياحيف كاني باخذلك انت يا حيف

[محمد بن موسى]

مجنون لو قلت المشاعر وفتْ لـه !=ومدري على عرشه من اللي خلفني؟
يمكن نساني ..والليالي صفـتْ لـه=ويمكـن بعـد بالذاكـره ماحذفنـي!
لكنّه أوّل روح روحـي لفـتْ لـه=وأوّل وليف مـن الولايـف ولفنـي
واليوم ماضي يستحيـل ألتفـتْ لـه=وأبعـذره لوشافنـي ماعرفـنـي !

[محمد بن موسى]

حاول يكون لذاتك ونظرتك صيت=لان الثقه بالنفس فضل وفضيله
واطلع من الدنيآ ولك بالعلا بيت=في الوجه الابيض والصفات النبيله
جامل وعامل بالمثل خلك ان جيت=جيت مطر وان غبت غيبه قبيله
ودك إلا منك عن الناس قفيت=على الاقل تكون راعي جميله