سجل دخولك للمنتدى ببيت شعر اعجبك

[محمد بن موسى]

اثر الرجاجيل تفرق بالمـدى والعـزوم!!=والطيب كايد ..وحزات المواقف .. (محكّ)
احد ٍ على اتفه سبب.. ماعاد يقدر يقوم=واحدٍ لو تسكّر.. الدنيا بوجهـه ضحـك

[الجوكر]

الجبال اللي تزحزح ما تزيح
والغصون أدنى هبوب تزولها

اعتنز على جبل و لا تطيح
الجبال تذرّي اللي حولها

[مشهور الرشدان]

كنت احسب اني قيس واقول ليلاي = محدً دخل في قلب ليلى معايه
واثرك طلعتي مثل كاسه الشاي= يشربها مليون واحد ورايه
والله ماتسوى مع القاع ماطاي= فعلاً خطاي وتحمل خطايه

[محمد بن موسى]

لو اليدين اللي خذتني عطتني =ما كان يا جرح الهوى فيّ وسّمت
ولو الحروف اللي حكتها، حكتني =ما كنت اجازف واجرح (الصمت بـ الصمت)

[غموض الشمال]

أخفي همومي عن جميع الخلايق
واحاول افتح للفرح عدة أبواب ~

في ذمّتي مانيب يا ناس رايق
لكن أشيل الهم من عدة أسباب ~

أطمح والاقي في طريقي عوايق
وفراق غالي فيه كل الرجا خاب ~

[محمد بن موسى]

لو يشتكي المظلوم وش في يدينه=من يرحمه لاهلت عيونه ادموع
من يسمعه لا باح خافي كنينه=من هو يرد القلب لاصار منزوع
مهما شكى قلبه وعقله وعينه=شكواه ماتنفع ولاهوب مسموع

[غموض الشمال]

" آلنبض " نبض آلقلب و آلقلب | قلبي !
. ............وش دخّل العآلم بِ قلبيْ و " نبضَه " !