سجل دخولك للمنتدى ببيت شعر اعجبك

[محمد بن موسى]

أنت السماء بعيون مغليك والأرض
ألقاك لا رفرفت ... وألقاك لا طحت

لو كان حبّك فرض أسهل لي الفرض
على الأقل ، إن كاني أدّيته / إرتحت !

[محمد بن موسى]

ماعادني راعـي سوالـف ومـزاح=ولاعاد صدري مثـل الاول شمالـي
قدلي زمان مضيـعٍ درب الافـراح=مـدري وراي الـدرب ولا قبـالـي !!
وين انت ياللي كنت للجرح جـراح=يامكسبي بالعمـر يـاراس مالـي
اطريك واصفق علـى كـل مـاراح=صفقـت حزيـنٍ غربلتـه الليالـي

[محمد خلف الزايدي]

يضيق بالي يوم مالقاك موجود=اعاف حالي والملل يمتطيني
وارتاح ياني شفت بالصفحه ردود=كني بجنبك والسعد محتويني
الله عطاك من الغلا ماله حدود=بالنوم لاغفيت طيفك يجيني

[محمد بن موسى]

ما كل شخص(ن) أبتسم له انا أغليه=ولاهو ضروري من اماشي احبه
ولاكل من نادى وله قلت لبيه=يعني مقامه من مقام الأحبه

[محمد خلف الزايدي]

يازين لاصرت في ديره= ديرة خلا مابها والي
والنت ماتجيب له سيره=ولايتصل فيك جوالي
والراس تقضي صعاطيره =حد السهل واترك العالي
والدرب تتعب مشاوير=حاف القدم مالبس نعالي
صاحبك هذه معاذيره =يشكي بها وضعه الحالي
نقول يمكن بها خيره=لعل ترضيك يالغالي

[غموض الشمال]

يآليت منهو بآله اليوم مرتآح
......................... نومَه هنّي , يرقد و عينَه قريره !
مثل الطفل لآ طاح فيْ مرقده طآح
......................... لآ شاغلَه همّه , ولآ هَـم غيرَه !

[محمد بن موسى]

يمكن غيابك.. حتى لو هو ( دقيقه )،
يمديك تدري وش كثر .. كنت غالي !!

أحيان : أحسّك درب .. قاسي طريقه ،
وأحيان أعزّي فيك حالي لـ حالي !

ولاّ الحقيقه : ماش ، مامن حقيقه ،
يبقى الكلام اللّي فـ بالي / فـ بالي !!