ركني الخاص (كلمات منتقاه)

[النايفة]

مدري وش أكتب لك على شان تقرا ؟
مادامني ماعدت قادر أكلمك !

أهم شي أن أنت بشعوري أدري ؟
سواء أعلمك ولا ماأعلمك !

مادامك الجلاد وأفراحي أسري ؟
مافيه داعي اشتكي واتـظلمك !

الجرح دامه منك جعله مايبرى
يشفيني الله ، ، ، وأنت ربي يسلمك

[النايفة]

صوره ولا يحتاج الإحساس تعليق..
أركض رجا ويطيح ميّس ظلالي!!


وإن كان بيبان المشاعر مغاليق..
فما هو جديد إن الزمن ماصفالي!!


ليت الهوى جمعه ولا فيه تفريق..
أو ليت ماللبعد فـ القلب صالي!!


ياصاحبي وإن شلت لك فوق ما أطيق..
فـ أنا لحالي جيت وأرحل لحالي!!


وهين مرده ينتهي كل هالضيق..
دام الليــــالي نقتفيها ليـــالي ...!؟

[النايفة]

مظلمه في غيبتك كل الْكُويت
والشوارع غارقـه بأحزانهـا

والله انك يوم قفيت وسريت
والسعـاده قفلـت بيبانهـا

واهنّي دربن وطيته لا مشيت
واهنّـي المملكـه وسكانهـا

يسعد الله طلتك في كل بيت
معلن الجيّـه علـى عربانهـا

غرفتن قيّلت فيها أو غفيـت
ليت عيني من حدى جدرانها

فارسي لاغبت عني مارضيت
مهرتك تبكي علـى ميدانهـا


دلتك في مجلسك منها خذيت
في يمينـي حاضنـه فنجانهـا

ياوجودي كان طولت وبطيت
وجد منهي تنتخي بإخوانهـا

دامك فبالي وانا فبالك طريت
المحبـه عـادلـن ميزانـهـا

عجل الجيه ترا حال الْكُويت
الشوارع غارقـه بأحزانهـا

[هيـاا العـازمـي]

.
.

يالبييييه

وربي أدري إن لكويت مظلمة من غيري

<<< تتغشمر

.
.

الكريمة .. النايفة

الذوق الرفيع وصف يرافقكِ أينما حللتِ في ويلان

بارك الله فيك على هذا المجهود الجميل

متابعة

تقديري

هيــــااااا

[النايفة]

اختي هيا العازمي
بارك الله بالقصيدة اللي خلتك تنورين هالموضوع
وحياك الله

[النايفة]

يا اللي شريت البعد .. ما غاب طاريك
حتى لو ان البعـد .. سـوى سواتـه

مهوب محزني .. على حاجـةٍ فيـك
إلا إن قلبي شايـف ٍ بـك غناتـه

كن الطيوف تقـول وش حـال غاليـك؟؟؟
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

[عوض بن خميس]

لاتقول لي مدة قصيرة وابلقاك
اخاف اصير بغيبتك مهرة له
السالفة لاطولت بتعدااااااااك
ترجع تلاقي في يدي خاتم له

لاخت النايفة رائعة . اجمل ماقرائة من الشعر بدون مجاملة