سجل دخولك للمنتدى ببيت شعر اعجبك

[احساس قلم]

فمان الخوف
ويدينك جنود وأضلعي | أسرى
وأنا فيني من الإحباط مايكفي هزيمة جيش !


.فمان أشياء ماتنقال للعالم ولا تطرى
ممالك ( حب )
دمرها الأسى , وسياسة التطفيش..!

[محمد بن موسى]

تعبنا نرسم البسمة ولوفينا حزن وهموم =ونضحك ضحكة التزييف ونكتم حزننا فينا
شكينا الهم والحرمان لكن القدر مرسوم =نصيح ونحترق نتعب ولكن وش بايادينا
صبرنا والشقى واضح ترى بوجيهنا مرسوم =وهالدنيا من اللوعات نستنا اسامينا

[عوض بن خميس]

والله لاهجرك قبل لا تهجريني
..........اجل تبيعيني واجيلك برجليّ
يا تتركين الكبر يا تتركيني
...........لأن المحبة شي والمهزله شيّ

[محمد بن موسى]

.
.

لو كنت أشوف لـ ِصورتك عندي أشباه
ما كـان طـَالـت حـاجتي .. للقصـايـد |:

[محمد بن موسى]

سامح الله زماني .. ليه جار وخذاك=وآه يا قو قلبك ليه .. خليتني !!
صاح من نار بعدك خافق (ن)ما نساك=وصحت بفزع لصوته بس ما اوحيتني
عقب ما فاض قلبي بالغلا وأمتلاك=في شقا ساحة الاحزان ..صبيتني
ليتني قبل اعرفك ما ابتليت بهواك=بس ما عاد تنفع ليتك وليتني !!

[هيـاا العـازمـي]

.
.
.

العذر مكتوب لاصـار الخطـاء مقـري
.............. آسف على ضحكتي وآسف على احزاني



خطـاي معـذور والا غلطتـي عـذري
.............. و مرارة العذر فـي قلبـي وفـي لسانـي




مدري وش اللي ذكرت وضاق به صدري
.............. مـدري وش اللـي نسيـت ولاتنسانـي

[محمد بن موسى]

العام كنا فيـه خـلان واحبـاب=نتقاسم اللقمـه ونـص الريالـي
واليوم صرنا نلتقي مثل الاغراب=ردّ السلام ولانشد كيـف حالـي
ياقلب لاتبدي لهـم لـوم وعتـاب=ماله مع الحـيّ المقفّـي مجالـي
لو قلت له هذا بلاأبـوك ياعقـاب=لاحاسبك مكسب ولاراس مالـي