سجل دخولك للمنتدى ببيت شعر اعجبك

[محمد بن موسى]

هذي اللي غلاها مايبي قول قايل..=هذي اسباب غيضي والرضا والهيام
هذي رسومها بين الضلوع النحايل=هذي اللي على صدر القصيده وسام
الاصايل يجنك مثل اهلهن اصايل=والوكاد انها منهن بليا كلام
يوم فلت على الخصر النحيل الجدايل=واستدارت خجل مدري تصنع غرام
عودها مال لو هي ماتبيه يتمايل=ماهو بكيفها من لين ذاك القوام
واقف وكن رجلي فوق جرف متهايل=للجمال بعيون العاشقين احترام
قلت في خاطري ماني عليها بعايل=لكن القلب سابقني برد السلام

[محمد بن موسى]

غرّرّ بك البعد لين أغراك و اغتالك
وانا آتقبل تعازي الهجر و المنفى

ورثت منك الجروح وهذي أفضالك
و اللي نقـص في غيابك أعتقد وفّى

يكفيني آموت بس آعيش في بالك
ويكفيك ناديت عمري بعد ما قفى !

[الجادل]

تكفى " فديتكـ " ...
قل: لدمعك لايزيد الإنهمار ..!
تراهـ يجرحني .. ولو طاول "ضلوعي"
شبها ...

[الجادل]

[هيـاا العـازمـي]

.
.
.

يـاليت ذاك الوقت يرجع ثــوانـي
وأحضن ابــوي براحتي من غلاته

وأخبره باللي جرالي وجاني
كل الهموم اللي جرت لي بوفاته..

[محمد بن موسى]

فتّح ضلوعگ وأجمع الخير و الحب
..............اليوم جمعه والله الله بـ الأسباب !
سامح .. ترى من سامح وقال [ يارب ]
............يفتح له الله في سماء رحمته باب

[محمد بن موسى]

بين كشف الحضور .. وبين كشف الغياب=سجّلونـي غـيـاب .. وسجّلـونـي حـضـور
شايـل القـفـل وأفـتـح بــاب وأصــكّ بــاب= ويـن أبلـقـا لــدرب الـنـور كــرت العـبـور
مـا تشيـب المشاعـر .. والمحـبّـه شـبـاب=ولا علـى الـحـب زود و لاعليـكـم قـصـور
بعـض الأحيـان أغنّـي مـن دواعـي عـذاب=وبعض الأحيان أغنّي مـن دواعـي سـرور
قبـل لا أجمـع زهابـي وأعـلـن الإنسـحـاب=ذعذعـي يـا هبـوب .. و وقّعـي يـا طـيـور
أنتهـت كذبـة إبـريـل .. وبــدت كـذبـة آب=نكذب أربع شهـور ونصـدق أربـع شهـور
مـن يحـرّف كـلام ٍ فــي غــلاف الكـتـاب=ينتـبـه للـكـلام الـلـي مــا بـيـن الـسـطـور