حروف متناثرة ارهقهاا الزمان

[محمد بن موسى]

هانــت علــيك ايامــنا والـــليالــي
ايــــام مــا كــنا حبايـــب وخــــلان
.
.
.
وش غيـرك يا سـيد كل الغـــوالي
وخلاك تنسى بالهوى قلب سلطان

[محمد بن موسى]

يقــبل علــى الــليل وانا بمـكـاني
على امل شوف الحبايب يمـرون

اللي غـــلاهم ساكــنن بالمحاني
ياليت لو عن صادق الـود يدرون

[محمد بن موسى]

ماهي غريبة لو حكوا فيني النـاس=اللي غريبة لـو بحالـي تركونـي
ولاني بسائل عن عديمين الاحساس=وانا مثل لون ابيض الغيـم لونـي
من هرجهم مايزعج الفكر هوجاس=لولاي مثمـر كالشجـر مارمونـي

[محمد بن موسى]

أشتقـت لـك يلي على البـال مريت
وجلسـت أفكـر فيك من غيـر لدري


حاولت أسلي خاطري عنك وأزريت
قلبي معك مشغـول لـو قلـت مدري

[محمد بن موسى]

هي قناعه شخصيه ليس الا ..

غلطان من قال العذارى بهم فرّق=مايدري انه فرقهم شي عادي
هذي قمر والثانيه كنها الشرق=وهبة من الرحمن رب العبادي
متخالفات اللون والشكل والطرق=سنة حياة الكون قبل المهادي
الفرق ماهو بأبيض اللون والزرق=الفرق والله بالشيم والمبادي
لاجاك شغموم(ن) كما طلة البرق=واليابخصته بان فيه السوادي
هذا اللي ياخوك يفرق معي فرق=والمرجله تعلن عليه الحدادي
اقولها والقلب منه احرق حرق=وقررت عن مثله يزيد ابتعادي

[محمد بن موسى]

اكذب عليك ان قلتلك يوم بنساك=والله لوطال العمر مانسيتك
واكذب عليك ان قلتلك يوم بجفاك=والله لو طال العمر ماجفيتك
انتي كتب ربي عليك اني اهواك=وانا كتب ربي علي وهويتك

[محمد بن موسى]

ياقبر أعز إنسان غالي رقد فيك
............................خفف عليه من التـراب الثقيلـي
يا قبر ماني طيب عقب راعيك
............................اللي رعاني صار عندك نزيلـي
أغليك أنا يا قبر من حب راعيك
............................مرحوم يا راعي الوفا والجميلـي
ياللي سكنت القبر صوتي يناديك
............................موتك جرح قلبي وهديت حيلـي
ما أنساك والله لين قبري يوازيك
............................وأعلن من الدنيا العريضه رحيلي