سجل دخولك للمنتدى ببيت شعر اعجبك

[جلال الدرعان]

ماضيك .. يشبه بالألم ذكـرياتـي .!..//.. والحين نفس الحظ .. والجرح .. والفال .!
طبايعك طبق الأصل من صفاتي .!..//.. وأهم شي .. الصـدق فـيـني .. ولا زال

[جلال الدرعان]

الدمع من عين البنـآدم ليـا سـال..//..ما يعنـي انّـه يستحـق الاغاثـه
والضحك ماهو شرط من وسعة البال..//..كم ضحكةٍ جا فـي طرفهـا خباثـه
والورث ما يحصر على الحال والمال..//..حتى الردا والطيـب . فيهـا وراثـه

[محمد بن موسى]

جلا الدرعان

تسلم اخوي على الاهداء وربي مايحرمنا من ابداعك

ياحبني للصريح الواثق اللي يبيك !!
تبدع ولا وردو الشعار معهم ترد

واللي ردوده ماغير ابدعت والله عليك
لاشاف مني قصيده طالبه لايرد

[غرام الوايلي]

ازعل عليك احيان
وازعل على نفسي قبل مازعل عليك

وارضى عليك احيان
وارضى على الدنيا وانا راضي عليك

[محمد بن موسى]

خلقني الله صريح .. وما اعرف اجامل !
خصوصاً :- ان شفت شي ٍ ما يناسبني

ما آحد ٍ بـ .. كامل / ووجه الله هو الكامل
( في رايّ ) :- الناس مدري ويش تطلبني

لاشك .. ( احب اتعامل مثل ما اعامل ) ,
وعلى ما اسوّي ما احب آحد ٍ يحاسبني !

[غرام الوايلي]

ههههههههههه


اشكي عليك الحال ياعاراف الحال
لو مابيدك شي يكفيني اشكي

يكفي تروح بشوفتك ضيقت البال
ويكفي تحس بضيقتي دون مدري

[محمد بن موسى]

مجنون لو قلت المشاعر وفتْ لـه !=ومدري على عرشه من اللي خلفني؟
يمكن نساني ..والليالي صفـتْ لـه=ويمكـن بعـد بالذاكـره ماحذفنـي!
لكنّه أوّل روح روحـي لفـتْ لـه=وأوّل وليف مـن الولايـف ولفنـي
واليوم ماضي يستحيـل ألتفـتْ لـه=وأبعـذره لوشافنـي ماعرفـنـي !