سجل دخولك للمنتدى ببيت شعر اعجبك

[عامر العنزي]

شيدت لك في داخلي قصر وصروح
وعيون تنبع من عذوبة جفونك



واخلصتلك بالود والقلب مفتوح
ينطر على بابك يخيّل مزونك



أظل أنا وياك والشوق مفضوح
يرجي وصالك كل ماشاف كونك



تجرح خفوقي غيبتك مالك الروح
والنفس تبقى ياوليفي تصونك



بكيت أنا والقلب غآفي ومجروح
ودموع عيني هيضت لك شجونك



أضحيت أنا والهم والصوت مجروح
والحيرة اللي اشغلت بي عيونك



عزي لحالي يرتجي لحظة البوح
والفكر شارد في تباريح كونك



يا ليت تقرا وش مسطّر على اللوح
تعرف غلاك وضيق صدري بدونك

[مزيد المزيد]

ياصدري استح , عيب .. لاتطري العيب = واكتم مشاريه الغلا في ظلوعك

ماضاع لك حق ً ولا لك مطاليب = والحمد لله مابه اللي يروعك

[اميرة الحرف]

كثـــر المواصل بالهوى ماهو بزين
............................ودك بخلك بين مده ومــده

لأن البني ادم ماترك طبعه الشين
.........................لاحب له شي وشبع منه هده

[أبو غرام]

عمار يوم اكبر طوحاتي ريال
............... ماتهت بالدنيا وغبة بحرها

للأخت الشاعره المبدعه

غموض الشمال

[ابو مشعل]

الله الله عليك وعلى الشاااااعره المميزه..(( غموض الشماااال ))

سلم ذووووقك الرفيع ونقلك الجبااااار يا ابو غرااااام...

وصح لسانك يا غموض الشمال على هذا البيت الانيق ...


طيب...

تحيات الجروح المبطيه والخاطر المكسور....
تحيات الغلا وأحلامنا والليل واسراره....
يقدمها لك الخافق على باقة ألم وزهور...
ويهديك الفراق وبينتهي وياك مشواره...
بحرتك لين ماصارت مسافات الطريق بحور...
وتاهت بي مسافاتك وخليتك وأنا كاره...

[أبو غرام]

ياهلا ياهلا ياهلا والله

يالله حي العشير ابو مشعل

وتو مانوّر الموضوع بحضورك

والاخت غموض مايختلف على شاعريتها اثنين
واخذي منها بيت واقتباسه .. لا يقلل من شاعريتي ياخوك ^.^
لكن انت وين انت يارجل ... ؟

لا عاد تغيب واستلمها طاااازجه يالامير ...
.
.
.

الصدق باب الرفق والشعر مفتاح
.................... ينظم شعور الود ما بين الاصحاب

تحيةٍ للي على الطيب لوّاح
................. الخدلي اللي بالوفا شد الاطناب

عبدالرزاق اللي غزا الجود واجتاح
................. دار الكرم حتى تسمت به اشناب

نجمٍ غدا في عالي الكون وضّاح
............... يِتبَع ولا يَتبع ولا يرجي اغراب

سيلٍ يفيض ولاهو للهرج بواح
........... ابوٍ لمشعل نسل الاحرار الاقراب

ابنٍ لوايل والندا لمفدع ان صاح
........ روسٍ تصيب وغيرها باللقا تصاب

هذي الحقيقه صاحبي طيب فواّح
.......... نجمٍ ينير ان غاب ضيه فلا غاب


والعذر والسموحه جت كذا طازجه فعذرها ان بان بها خلل

[سالم صالح]

اقبل علي باعتابك اللي على ذوق = واكسر مشارية المعاند وقلها
باين غلاي بصوتك بدون منطوق = اعرف اميز جدها من هزلها