سجل دخولك للمنتدى ببيت شعر اعجبك

[احساس قلم]

تدري؟
وش اللي ذابحني والبلا فيني!
ابي أعرف عروق (الغلا) وشلون
تسرقها؟!
يمكن تكون المحبه من شراييني!
والا حظوظك يجوز الله موفقها.
ماقلت لحدن سوى (امي) يابعد عيني!
وشلون خليتني لعيونك انطقها؟

[أبو غرام]

ليه ياقلبي تدور ولا تِقَرّْب=خايفٍ من طعنةٍ عقب الأمان؟
كان حظك بالخفايا ماتِجَرّْب=صفّ نية خافقك وإنخ الزمان

.
.
.
جائز المليحان
أبو غرام سابقاً

[هيـاا العـازمـي]

.
.

زمن عدى على ذاك الفراق اللي تقول اليوم
وأنا أرشف من يمين الجرح نزف.. وأشكر الساقي

نبت للحلم ريش وقلت: أهده في فضاك يحوم
ولكن خانت فجوج الوساع!!وضاقت آفاقي

[هيـاا العـازمـي]

.
.

جيت مثل اللي يدور نور في وسط المغارة
.............ورحت مثل اللي معرض قربته والسيل ثاير

[محمد بن موسى]

ليت .. العمر شريط تسجيل ينعاد
وأعيد أجمـل مامضى في حياتي

[محمد بن موسى]

.
.
.



قبــل أبتـدي معــك القصيــد ... آسمع معي هذآ المثل :
(( الخيـــر فيمـا آختآرهـ الله )) .. وآنــا مـانـي جحـود

حـاولت .. لكـن - قــدَّر الله ومــاشــاء فعــل
أرضــي حيآتــي في ( بعادك ) و لوعشــت الشــرود

و لو فـي الهــوى " حـل " يـدآوي المفــارق و العلل
مـاضلت عيــوني سهيـره ... و خلق اللـه رقـــود

و لو الزمــان اللي جمعنــا .. (( يعيد اللي رحـَّل ))
عهدٍ علــيّ إنــيِّ لـ دوَّن .. غلاتـك .. / بـ العــقود

[معيض بن عريفج]

اغليك ياشمعة الخفاق وسراجه
محبتا لك ولا غيرك لها معني
ماني بتايه ولاني مضيعا حاجه
لاشك بقايا غرام لك وتدفعني
اجيك كلي امل بك يوم نتواجه
تهدي جماح الكفا لحظه وتسمعني
الرجل ماهي على العربان دواجه
ونفسي لغيرك تعرضني وتمنعني
يامن سهوم المنايا باسفل حجاجه
والليا تبسم دلع خطرا يضيعني
شف نارك بعدك وسط الروح وهاجه
ماغيرك احدا بعد ربك بينفعني
نفسي ترا لشوفك بالحيل محتاجه
بالله غير مسارك لاتودعني