*·~-.¸¸,.-~*همسااااات نجديه*·~-.¸¸,.-~*

[الحوراء بنت نجد]

دومآ يأسرنا الحنين للماضي نتشوق لصدى الذكريات

رغم ما مررنا به من الألم وهذه سنة الحياة مفارقات تطرح

علامات استفاهم لدينا نحن البشر؟؟ سبحان الله

[الحوراء بنت نجد]

من الماضي لانمتلك غير ذكرى شوق وحنين ويظل هاجس

محبب للروح رغم الألم والأحزان وان كان هناك رشة عطر

يفوح شذاها بين وريقات الأجنده

[الحوراء بنت نجد]

ابياتي المتواضعه

كتبت البارحه حرفي وحرفي من غلاك يزيد = ابي تمطر على قلبي سحابه منك تسقيني
كتبت احلا القصايد والغلا يزداد بالترديد= احبك واعشقك واهواك ما ظني تكفيني
لانك لي فرح بكره وبكره فيك يصبح عيد=لانك بالهوى تقدر تفرحني تبكيني
حبيبي انت تعجبني ترفق بي وزيد وزيد=لاني ذبت في حبك وانا ودي تدفيني
يذوب الثلج فـ/ اعروقي ويبقى للقاء تجديد=غيابك ياحياتي يوم يتعبني ويشقيني
احبك حب مايوصف اموت بشوفتك واعيد=ملكت الروح ياحبي دخيلك لا تعنيني
اعبر عن شعوري ماعليه من زماني قيد=تعبت اكتم احاسيسي ابيك اليوم ترويني

مجاراة منصور الرويلي

الا ملُهم أشعاري؟ يسموّني ملاك الغيد=شموخي ماكسر باسي لو أن الحلم يدعيني
أسابق خطوتي يمك وشوقي بالغياب يزيد=لكن لا نويت البعد عزيت الحب في حيني
قسّم بالله بغيابك تراني بين هم و قيد=يكفيني عذاب الوقت دخيلك لا تعنيني
أنا لامن تخيلتك على طيف الوهم تحديد=دموعي تسبق أشواقي وجرح الصد يطويني
أنا كني طفل يبكي وضاعت فرحته بالعيد=على ذكرى الليال الخالده حزني سطى فيني
على طيف الوهم كنك تجاوزت المدى والبيد=مادام الموت في قربك ترى مابيك تحييني
على درب الوفا رحلة غرامي والحنين يزيد=من أول ماتقابلنا الى آخر جرح يبكيني
من أول مالمحت بنظرتي سيف الغدر تأبيد=على مسرح وفايه هذي جروحي وسكيني
أنا كني طفل يبكي وضاعت فرحته بالعيد=على ذكرى الليال الخالده ليتك تواسيني
أنا دمعة يتيمه والقلوب الظالمه تقييّد=قبل موت الامل دمع اليتيمه في شراييني
أنا آخر ضحيه من ضحايا العاشق العربيد=معك أول بدايات الغرام وغربه سنيني
أسولف لك معاناتي وأغني حسرتي وأعيد=أسافر عن خيالاتك وحبك طاح من عيني
بقايا لهفة الخافق مواجع والوله تنهيد=كأن الموت في قربك وبعُدك صار يديني
قبل ماتذرف الدمعة تجاوزت الفضا والبيد=و قبل مارحل عن أعماقك دخيلك لا تؤاسيني
معك ضاع الوفا وافراح عمري مابها تأكيد=على ميعادنا الاول وعهدن بينك وبيني؟
على درب الوفا رحلة غرامي والحنين يزيد=من أول ماتقابلنا الى آخر جرح يبكّيني
من أول مالمحت بنظرتي سيف الغدر تحديد=على مسرح وفايه هذي جروحي وسكيني
أنا آخر ضحيه من ضحايا العاشق العربيد=معك أول بدايات العذاب وغربه سنيني
على ذكرى المواصل والغلا وأفراحنا بالعيد=رحّلت ولا بقى غير القصايد بك تعزيني
الا ملُهم أشعاري؟ يسموّني ملاك الغيد=شموخي ماكسر باسي لو أن الحلم يدعيني

.

[الحوراء بنت نجد]

ياليت تدري عنْ شُهُور ٍ بها ذِقْت =كاسات شوقٍ رشْفتهْ فكّة الرّيق
ألين صوت الوله قال اصْحي وفِقْت =ولقيت طيفك تصوّر بالمغاريق
حُور ٍ تعنّتْ منْ اِعْلُوم ٍ لهْ اِشْتقْت=لحْظات وصْل بغسقْها والتّشاريق

الحوراء بنت نجد

[الحوراء بنت نجد]

نسابق الايام وكل يوم ننتزع ورقة من الرزنامه أآآهـ

يارزنامة العمر كل يوم يمضي ومن المحال ان يعود بحلاوته

او مرارته > كل عام وانتم بخير

[الحوراء بنت نجد]

نشعر احيانآ بهموم تلازمنا نضيق ذرعآ بكل

من وما حولنا نبحث عن السبب قديكون هناك

سبب أو لايكون هي الذات البشريه تجلد الذات

بهموم قد تكون غير واقعيه

[الحوراء بنت نجد]

بدأ فصل الشتاء بدأ الترقب لغيمة تروي عطش الروح

بعد فصل طويل جاف من فصول السنه كم نتعطش لزخات

المطر والتي تلامس الذات بشذى نسائم الشتاء