"كـــــثر الغموض.. اللي سكني وضوحــــــــــــي"

[غموض الشمال]

احس بالقلب ضيقه مالها آخر=حزين خايف ونوم الليل جافيني
حظي لي الهم جابه ماهو بذاخر=وانا من الهم فيني مايكفيني

[غموض الشمال]

ماكنت اصدق غلاك يكون لي .. نزوه ؟؟=ولاتوقعت .. تغدربي وتجفاني!
وانا جعلتك لطهر .. الحب لي قدوه=منك اتعلم اصول الحب // يافلاني
عطيتك الحب وفوق الحب لك فدوه=اعز ماملك .. ولافكرت وش جاني
كنت الاهل لي وكنت .. الحب .. والعزوه=وكل القبيله .. وراس المال ووطاني
واليوم عني تصد .. وتقصر الخطوه=وانا على دربك // ادور وضمياني
تركت لي ,, هم ’’وجروحن" لها سطوه=في عز ماكنت ابيك وشدة (ادماني)
ياحيف جازيتني وخابت بك .. الهقوه=وخليتني للندم.. والهم.. واحزاني
مع السلامه وكل انسان له "كبوه"=درسن تعلمت منه ..لقادم ازماني

[غموض الشمال]

همسه لكي.. ج؟؟





ماهي كذا روح المرح واللطافه
...................ماهي كذا يابنت لاتستخفين؟

ميانتك عندي تسمى سخافه
..................ارقي بفكرك كان ودك تمونين

خليك من زود الهذر واللقافه
...................لاتخسرين اللي تبين وتودين

[غموض الشمال]

ليت الزمن يرجع ورى تسعة اسنين=ويرجع زمانن بالسعاده غمرنا
وقتن به العشاق تصدق وافين=وقتن بصدق احساسنا لا عشقنا
يومن تعاهدنا على العسر واللين=ما ننفترق وان نكون لبعضنا
ماخان في عهده ولا خالف الدين=بس الزمن خوان واخلف وعدنا
رضيت بالمقسوم وبحظي الشين=هذا قدرنا شااان ولا عجبنا
علمي به يكفف دموعي عن العين=قبل نتوادع والكسر ماجبرنا
ليته دفني عام خمسه وعشرين=ولا عشت دونه والهموم اغرقتنا

[غموض الشمال]

اعتذر لكل من يمر من هنا عن بعض الألفاظ لكن..للضروره احكام؟؟
.

.

يالعن ابو حظٍ لي بحضرتك حاش=مغرور متغطرس ولابك رجوله
لاشكل لامضمون لي مخبرك داش=مدري على ويش الكبر والبطوله
كانك مربى مع بهايم بالاحواش=فعل الرجال الطيبه ماتطوله
بالبيت منسين مثل كومة اخياش=ثقلن بلا نفعن ونسك جهوله
فكرك مسمم والعقل عقل حشاش=استغفر الله ماظلمك بس حوله
نطقك يجيب الهم ويسبب ارباش=سم الأفاعي في لسانك مثوله
العقل صار بسبتك حالته ماش؟=اخاف لاوسوس واصير مهبوله
فارق عساك مفارق طيور الاعشاش=كبرت وكل ن راح درب بسهوله

[غموض الشمال]

لي صاحبٍ قلبي بحبه تولع=ماعاد لي عنه جلد واستطاعه
اخضع فؤاد اللي تصد وتمنع=كم فارسٍ ماجاب قلبي وطاعه
اول عليه اثقل وعنه اتمنع=واليوم ما اصبر عنه لو رع ساعه
من طيب خلقه داخل القلب شرع=سيطر على قلبي ونزل متاعه
خفيف دم وفيه طيبٍ تجمع=حرن عرف بالمرجله والشجاعه
صدوق لا عفنن ولاهو ملوع=الله عطاه الزود واحسن اطباعه
هو اكسجين الروح منه اتشبع=وافضل غذا للي حياته مجاعه
القلب عن غيره شعوره تشمع=ومالي بغيره اي شف وطماعه
اعمى عيوني لاتشوف وتتطلع=عن شوف غيره صار عندي مناعه
هو ملهمي هو شاعري فيه ماسمع=وهو الأمل اللي بدالي شعاعه
من لامني ياجعل قلبه يلوع=يصبح طريح الحب والشوق لاعه

[غموض الشمال]

لو اشتكي شوقي على بيض الاوراق=ذاب القلم من كثر شوقي وحني
صدري عليك من الوله خافقه ضاق=وعقلي عليك من التفاكير جني
هذا انا لاشتقت ولك خافقي تاق=يضيق كل الكون لاغبت عني