ركني الخاص (كلمات منتقاه)

[النايفة]

سرقت مني الفـؤاد .. وجـاك متطـوٌق
وشلون ؟ ماخفت ربك فيـه .. يالبايـق

ياللي تبضـع مـن جروحـي وتتسـوٌق
انصت لبيتي وبعد خلك معي رايق !!

مابيك تضحك معي .. لاشفتني مـروٌق
ابيك تبكي معـي .. لاشفتنـي ضايـق

[النايفة]

ليه يفصل هاتفك بينك وبيني ؟؟
يوم انا دقيت في وقـت الفجـر
عاجبك هالوضع يوم يصير فيني
ينذرف دمعي ونبضـي ينفجـر
قالها قلبـي ودمعاتـي بعينـي
إشحن الجوال تكسب بـي اجـر

[النايفة]

اعطّر انفاسي ..بــ (شانيل) لافاح
.......وابلل بدمعي ....../ جفاف المحابر.....!!

بس انت قلّي : انك بخير ../ برتاااح
...... موّتني بفراقك ..وصمتك ../مقابر..!!

ماطحت بس القلب من غيبتك طااااح
.......عجزت اخبّي هالشعور .. واكاااابر..!!

[النايفة]

لا أقفيت عن عينك رجعت و قلتلك
تكفـا ليـا قفيـت عنـك نادنـي

من حشمتك لو اوصلك ما أوصلك
ياخي بثور من العذاب و هادنـي

احساسي أني ذنب فعيـون اهلـك
إحساسي بالإحسـاس ذا أبادنـي

[النايفة]

في عيوني دمعتينٍ بإنكسـار
من سوايا الوقت والحظ الردي
شيب عيني كل مايقفي النهار
شايلٍ همـه قبـل لا يبتـدي

[النايفة]

والعبره اللي تاصل الحلق وتحير
ياقربها لو قيل لي ( ياعويني)

امل شوف الناس وردّ ومصادير
واللي يقول اشفيك كنه يهجيني

يعني على ماقيل من باب تصوير
لاحد ٍ ابي قربه ولا احد ٍ يبيني

[النايفة]

يارقيق المشاعر وين راح الحنان
ليش ماشلت قلبٍ طاح قدام عينك؟!

الزمن هو زمانك والمكان المكان
وآخر الشعر كلمه تسألك عنك وينك ؟!

من تقهويت صوتك سولف الزعفران
عاد وشلون فنجالٍ تمدّه يمينك؟!

تذكر شلون كنا والغلا كيف كان
يوم لاغبت عنّك ماأسمع إلا ونينك!!!!

أشعر بخوف مدري كنت أحس بأمان
يكفي إن جيت يمك طار فيني حنينك!!

إشكثر كنت وافي وأقرب الناس خان
بس أثق فيك حتى لو عيوني تدينك!!!

راحت سنين من عمري وعمرك ثمان
يوم شحت سنيني عوضتني سنينك!!

زان عمري بقربك يعني الوقت زان
حتى جرد القصايد ربّعت في يدينك!!

طول عمري وأنا لاوي ذراع الهوان
شفت يومك بعيني منهو يقدر يهنيك؟!

ماأذكر إني نسيتك وأذكرك من زمان
وأذكر إني ضحية بين قلبي وبينك!!

تدري وش جابني لك لا تقول الحنان
جيت أبشيل قلبٍ طاح قدام عينك!!