سجل دخولك للمنتدى ببيت شعر اعجبك

[محمد بن موسى]

.
.

من ليلة البــارح وحابسني الضيـق
عسى صباح اليــــــوم يطلق سراحـي

وعادت لي الضيقه على فكّة الريق
الله يهــــوّنهـا ويسعـــــد صبـاحـي !!

لا قمت أدرّجها على قد ما أطيـق
تغانمتنـي مـن جميـــع النواحـي !!

[غموض الشمال]

صَبَاحَ الْخِيرْ وِإنْ غَرَّدْ عَلَى ذِيكَ السُّوَاقِي طِيرْ
صُبَاحَهْ وَالضُّمَا وَالْجُوعْ تِلاعِبْ غَفْلِة السَّاقِي
مَادَامِكْ مِلْهِمِي يِسْعِدْ صُبَاحْ ٍالصَّد وَالتَّقْصِيرْ
صِبَاح الْبُعْدْ وِإنْ حَرَّكْ حَنِينْ أَعْمَاقِكْ أَعْمَاقِيْ
صِبَاح ٍ تِزْهِرْ أَوْرَاقَهْ عَلَى غِصْنَ الْعَتَبْ نُوِّيـرْ
يِبَللهَا نِدَى هَمْسْ الْقُلُوبْ وْطِيفِـكْ الْبَاقِـيْ
تمَرْ بْخِيرْ هَالضِّيقَهْ مِنَ الْخَاطِـر تِمَـرْ بْخِيـرْ
تِغِيبْ الشَّمْس وِيْغِيبَ الْحَنِينُ وْتَسْكِنَ أَوْرَاقِي

[غموض الشمال]

اليوم : تلعب بي رياح الهواجيس ،
... ولا ادري عشانك ضيقتي أو عشاني!
مابين | لوعات الجفا ، والوسـاويس
... البرد ساكن فـ ارتعاش المحاني
وانا حبيس الصمت سجن الاحاسيس
... ضاق الزمان ولا وسعني مكاني !

[غموض الشمال]

من الضيقة اللي خيمت في صميم الجوف

أجامـل وعيـنـي تخـطـي الـنـوم وتصيـبـه

تحاربـت أنـا والحـظ حرب بـدون سيـوف
علـى مطلبـن مـدري متـى الحـظ بيجيـبـه

[محمد بن موسى]

هونتها لكنها عيت تهون..
لا قلت راح الهم ألقاه قدام..
فيني ألم مامر في قلب مطعون..
فيني حزن مامر في عيون الايتام

[محمد بن موسى]

صبااحك ورد جوري
:

المشكلة: ما هي حناياي والجوف ؟
ولا هي بحزني .. وابتسامة جبيني ؟

المشكلة : [من وين ما ألدّ بالشوف]
ألقاك في كل [الأماكن تجيني .. ] !

[هيـاا العـازمـي]

.
.

مانيب مثلك .. لوبغيـت آتغيـر
شفني مثل ماني أبـد ماتغيـرت

كانك على وصلي وهجري امخّير
فأنا على غير الوصل ماتخيرت