سجل دخولك للمنتدى ببيت شعر اعجبك

[أبو غرام]

تسجيل دخول وكيبورديه لعيون ابن فالح

^_*

......................................
كل السبب بالطرح توضيح الاسباب
يمكن اذا بانت له اوراقنا يجيه

باب الشعر نطرقه لاصحاب واحباب
واللي يبيه الفكر لا شك ياتيه

روح الشعر ان جاك لو هو من اجناب
دمك يشوش ونبض قلبك يعاضيه

يالله عسى من شرحنا تركز اطناب
هنا وعلى التسجيل يبدي كيبورديه

^_^

وسلامتك وبنتظار كيبوردياتك طال عمرك

[غموض الشمال]

راحْ عُمْري وقِلتْ: يالله ما عليه
كِنتْ أبيِّنْ راحِتي / وجَرْحِي نِزَفْ

قلبي المُتْعَبْ : أنا وشْ في إيديه .؟!
ما يجيه الحَظْ .. حتَّى بـ الصِدَفْ .!

[احمد الضوي]

والله اني كنت الوم اللي يضيق ان غاب خله
بس جربت المحبه والفراق وقلت توبه

[محمد بن موسى]

المشاركة الأصلية كتبت بواسطة جائز المليحان

بما اني سهران .. اتت هذه الابيات على عجل

ومشكله خيالات الشاعر وافكاره .. خاصةً لا صار وحداني

يالله تجعلها تسجيلة دخول طيبه بخروج

^_^
.
.
.

الكل في نومه يخم المخده=وانا عشير الليل والنوم مابيه
منهو يبادلني جروح الموده=يسهر معي ليله على ذكر ماضيه
نجم الوفا غايب وتاه بمصده=واهل السهر تنعى خوافي تغاضيه
ما للهنا جره ونوض ومرده=ضاعت مطاريشه مع أول تعاليه
الله يسامح صاحبي في ملده=ورّثني السهره على ندب طاريه
اقولها والقلب ماضاق حده=اوسع من الدنيا على ما مشت فيه
لاشك والهاجس فلا باح سده=الا على اللي واضحاتٍ مماشيه
ومنهو يسامرني على كيف وده=يمكن يجيه النوم لا ذاع مافيه

وسلامتكم

^_^

ياللـي لقـيـت العـلـم بالله وده
.......................................وده علـى جائـز يفسـر معانيـه
وعطه الجواب وصافيـات المـوده
...................................وقله عسى الله يسعده فـي لياليـه
يالله عساك بطـول عمـره تمـده
.................................وتعطية من طيب الرغد لين ترضيه
لاشـك ياللـي فارقتـك المـخـده
....................................ومره تخم النـوم عينـك وتخطيـه
ذكرتنـي ياصـاح باللـي نــوده
......................................اللي يسر ويبهـج القلـب طاريـه
اللي ظروفـه عـن لقانـا تحـده
..................................واتلى العهد به يشكي الظيم والتيـه
هيضتني وانـا علـى بحـر جـده
.....................................وبيحت سرن للملا كنـت مخفيـه
اطلب عسى ربـك علينـا يـرده
...................................وترتاح عيني يوم نقـراء قوافيـه

[غموض الشمال]

اللي تجاهلني وانا ماجفيته=ماعاد له في وسط قلبي مساهيل
واللي يدور زلتي ما احتريته=خلة يردد آآآه ماطولك ياليل
واللي حرمني شوفته ما رجيته=كنه مبشرني بقطع المواصيل

[غموض الشمال]

كن لحظات الشقى تعرف مساقي
................وكن مالك يالفرج برق يلوح

لامتى والضيق يحكم لي وثاقي
..............لامتى يبني على ذاتي صروح

[احساس قلم]

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك

شايف غلاهم لِك .. أكثر أنا أغليك
واللي وِصَل ( نِص الغلا ) يمكن أمّك