( بيـت من الحـــكـــمة ).. دعوة للمشـــــــاركة...

[أبو غرام]

واليـا نويـت احـذر تعلـم بطـاريـك
واحذر شماتة صاحـب ٍ لـك مصافيـك
ولا تحسـب إن الله قطـوع ٍ يخلـيـك
الضيف قـدّم لـه هـلا حيـن يلفيـك
إحذر تلقّـي الضيـف مقـرن علابيـك
واوصيك زلات الصديق إن عثـا فيـك
راعه ولـو مـا شفـت إنـه يراعيـك
واحذر عدوك لو ظهـر بـي يصافيـك
لا تأمنـه واطلـب مـن الله ينجـيّـك

[خلف الغريب]

شكرا لكل من اثرى هذا الموضوع النابض بعطائكم ايها الكرام ..

تحايتي الجزيلة وودي للجميع وبانتظار القادم..

[أبو غرام]

يا صاحبي فالنـاس معطـى ومحـروم=من عاد خلق الله فـي غـزو وسبـي
واليوم نفس الحـال والحكمـه تـدوم=من خالق الدنيا علـى مـا هـو يبـي
الشيخ يبقى شيخ .. حاكـم ومحكـوم=والا الصبي طول الزمن .. يبقى صبي
ولا صرت من ناسٍ يسـدون اللـزوم=لا تنخضـع لاهـل المشالـح والعبـي
ارفـع مقامـك لا تشبـه بالـرخـوم=الطيّب اتعـب معـه والـلاش يهبـي
والناس تعرف كيف توزيـع القسـوم=خـذ مكسبـك وانـا بسنـع مكسبـي
لا تحسبنـي مـن ردييـن الـعـزوم=اللي علـى درب الوفـا تحبـي حبـي
الكسب مـن يمنـاي والعـز محسـوم=والحمـد لله ورث مـن جـدي وابـي
ولا شكيت من الزمـان ابـا الهمـوم=ولا ذرف دمعـي ولا بــل هـدبـي
وماني بطوّف كـل ليـل وكـل يـوم=ايـات كلمـه طايشـه مـن صاحبـي
الاوله مـن صاحبـي عنهـا بشـوم=و ماهو على شانه على شـان شنبـي
بـه شـاربٍ لازل غالـي ومحشـوم=وبـه شـاربٍ ماهـو بكفـوٍ لتعبـي
والثانيـه والثالثـه لاجـل السـلـوم=وان طوّلـت بشـب نـاري بحطبـي
يعنـي العلـوم اللـي تقفّاهـا علـوم=تعمي عيوني خـص لا ثـار غضبـي
وما عاد اميّز فالدفـاع مـن الهجـوم=لا جـات كـورة لعبهـم فـي ملعبـي
اشوتهـا قــدام والقـايـم يـقـوم=واليا وصلت الضاميـه قلـت اشربـي
والا انت مدري وش تبيع و وش تسوم=من يوم خليـت الذكـي مثـل الغبـي
راحـت عليـك ام المخابـي والكمـوم=واليعربـي يعـرف كـلام اليعـربـي
واذا بغيـت تعـرف تفسيـر الحلـوم=مسيلمـه كـذاب .. ومحمـد نـبـي

الشـاعـر:مـبـارك آل خـلـيـفـه

[هيـاا العـازمـي]

.
.

المغفور له بإذن الله الشاعر الكبير دخيل الله بن محمد بن دخيل الله الشكري

رحمه الله وأسكنه فسيح جناته .. يقوول

أوصيك عـن دار المذلـه بالابعـاد
ومن عاش فـي دارالمذلـه ذليلـي

ولا تحـل بدارشـامـت وحـسـاد
أهـل النمايـم والحسـد والنقيلـي

بـدل ديـار الحسـد بديارالاجـود
عسى وطنهـم كـل عامـا يسيلـي

دارالرجال الـي يضـدون الاضـداد
وعلى الخـوي والجارظـلا ظليلـي

الي فعايلهم علـى روس الا شهـاد
وباموالهم يشرون كسـب الجميلـي

ولا ترابـع كـون شجعـان الاولاد
وحذراك من ربعة قليـل الحصيلـي

.
.

[أبو غرام]

و ما من كاتب إلا سيفنى === ويبقى الدهر ما كتبت يداه
فلا تكتب بخطك غير شيء === يسرك في القيامة أن تراه

[هيـاا العـازمـي]

.
.

فيصل الرياحي رحمة الله عليه

وأسكنه فسيح جناته

قال

الرابح اللي من الهرج الحرام إستـراح
يصبح على ذكر خلاقه ويمسـي عليـه

واللي يريد الفسـاد ولايريـد الصـلاح
متـمـردٍ مايـخـاف الله ولايتقـيـه

.
.

[أبو غرام]

رحمه الله تعالى وبالفعل ابيات من الحكمه جميله

بجمال قائلها رحة الله عليه


مثل قديم يقول :

الصبر زين وبه مقضات ثنتين

به الجميل وتاخذ الحق وافي