حروف متناثرة ارهقهاا الزمان - الصفحة 13 - °~*¤®§(§ شبـــكة ويــلان العـربـيـه §)§®¤*~ˆ°

**محمد بن موسى** · 04/12/10, (11:30 PM)

آسف اذا في يوم زليت واخطيـت=طبع البشر مابين مخطي وصايب
ماجت لي الدنيا علـى ماتمنيـت=يا اغلا من الداني وكل القرايـب
ابغاك تدمح زلتـي يـوم زليـت=وتجبر خفوق(ن) من سبايبك ذايب
هذي حقيقة قلب من دونكم ميـت=يا اغلا غلا مابين كـل الحبايـب

**محمد بن موسى** · 04/12/10, (11:34 PM)

لاصار خلك مبعد(ن) وانت زعلان=دور على غيرة وغيـرة ينسيـك
عمر الزمن مايوم وقف على انسان=يمشي وفيه اشياء كثيـرة تسليـك
واللي تسبب في دمع سود الاعيان=ماهو كفو لمصافحة طاهر يديـك
خله يولي والزمن خيـر برهـان=انه على نسيـان مابـك يواسيـك

**محمد بن موسى** · 04/12/10, (11:36 PM)

عجزت لا اعرف يالغلا وش نوايـاك=وواتعبت رجلــي بالمشي والـــوقوفي
حيــرتـني واحــترت يالـترف وايــاك=واحــتارت الافكــار معــها الحــروفي
مــرة تقــول القـــلب ميـــت للقـــــياك=ومـــرات عيـــنك يمــنا ما تـشـــوفي

**محمد بن موسى** · 04/12/10, (11:37 PM)

احـم احـم ياللي تراقب كفــشناك=تقــراء بدون اردود هذي خطيه
تعــال قــرب واسـتلم لاعدمناك=قــّـرب على سلطان خذلك هديه
اقلط هلا بك مـّد لي كف يمـناك=فنـجال كـيف وقاف مـع شـاذليه

**محمد بن موسى** · 06/12/10, (07:01 PM)

من ارشيفي الخاص ..

تـدرين وش يفضـح عيـوني بلحظات
الدمـــع لاصـــــارت عــيوني تهلـــــه

اصــدق وابلــغ من جمــيع العـبارات
لأنـــه يـبيـــن كـــل خـــافي وعلــــه

والا الشعـــر يـا(........) مبـدا وغـايات
وكـــلاً يجـــيه ويطــــرقه في محلــــه

احد(ن) تطابق وصف حرفه مع الذات
واحـد(ن) مهـــايط وان عـرفته تملــه

شـــتآن بـين اثنين في صدق الابيات
والفــرق واضــح دون شــرح وأدلــــه

**محمد بن موسى** · 06/12/10, (07:15 PM)

ايــوالله انـي يا ابيــض الوجــه مليــت
مليـــت مـــن كــــثر العنــا والتجــــني

ابنـــي لهم بالشعــــر بيـت ورى بيـــت
وعلى اصغر الغلطات جاء من هدمني

**محمد بن موسى** · 06/12/10, (07:20 PM)

من يرخصك بيعه مع الناس (بتراب).
لاتعـتـرف بالـلـي مــع الـنـاس بـاعـك

اخلـق لنسيانـه مـع الـوقـت الأسـبـاب
ولاتعـتـبـر هـالأمــر قـصــة ضـيـاعـك

وإن كـان قلبـك عـن طـواريـه مـاتـاب
خـلـك بعقـلـك كــان هالـعـقـل طـاعــك