سجل دخولك للمنتدى ببيت شعر اعجبك

[علي الرماحي]

قليل العرف دايم في لسانه مثل سـم الـداب
ليا منّـه تكلـم ضيـع المعـروف والشيمـه

يحوش اللي ينوشه قبل لا يدري عن الأسباب
يبي يبدي علومه للعـرب لـو مالهـا قيمـه

يقول الهرج من راسه ويفتح للسوالف بـاب
ولا سولف بها كلاً فهمهـا حسـب تعليمـه

تعلمها من امثاله وقسمها علـى الأصحـاب
مثل علم البليد اللي نجاحـه مـن براشيمـه

وأنا مالي على مثله ليا زاد الكـلام اعتـاب
لكن الهرج بعضه يوجـع الرجـال ويضيمـه

وهذا الوقت ما ندري وش الصادق من الكذاب
نجي نفهم على الشاطر ونعجز عن مفاهيمـه

[هيـاا العـازمـي]

.
.
.

تدري وش أقسى كلمة تمرّ بـ شْفاك ؟

واللي تحسّ إنّه مثل ضربة السيف ،

إليا تردّى فيك طيّب وخلاّك .. تتلّ من قاصي حناياك :

ياااا حيف

ياااا حيف

[معجب الرويلي]

مادام كفي جمر وشولـه البيـق && مـادام كفـي جمـر ليـه اتوقـا

* رضا حليس

[هيـاا العـازمـي]

.
.

بعض البشر[ يغرونك ] بصدق الأحاسيس
و.. بعض البشر ساكت و [ قلبه يحبك ]

[هيـاا العـازمـي]

.
.
.

مشكلة / لا صار لك مطلب صعب المنال ..
إن نثرته : ما إجتمع ، وإن جمعته : ينتثر..

[الصقار]

قمه الروعه ...........دخلت على بالي بيت ونسيته امام هالابيات

شكراً ياهيااا

علّمتني في لحظة الضعف ما بكي .!
وكابرت بفراقك مع إنّي [ تألمت ]

وعلّمتني في سـاعة الضيق ما شكي !!
واليوم ضاقت ،،، بس أنا ما تكلّمت

لا دمع في غيابك ،، ولا لسان يحكي !!
بعدكـ إذا ضاقت علي دنيتي ،، نمت !

[عبدالعزيز السعود]

الله يقطع الحاجه ومشي بلا مشهاه
والله يقطع اللي كلّ من قاربه ملّه
والله يقطع اللي لا بغيناه ما نلقاه
والله يقطع اللي لا صفا ما صفا كلّه