بيت مني وبيت منك ..... الهمة يا شباب - الصفحة 120 - °~*¤®§(§ شبـــكة ويــلان العـربـيـه §)§®¤*~ˆ°

**حامد العيد** · 31/08/07, (05:24 PM)

اسمع سوالف غيبتك يابو ريناد=وأشم ريح العطر وسط السوالف
ماكن ابويه جاب له غيرك أولاد=غيبتك خلت نبض قلبي متخالف

الفاء ياللي بعدي

ويمكن انا اللي بعدي

**صالح العرجان** · 31/08/07, (05:27 PM)

حرف الفاء ما زليت

انا يعني انت ؟!

فى طلتك تستبيح النور معنـى ولـون
منك القمر يسطع بنوره بعالـى سمـاه

وفى ضحكتك حالى السكر وغيم المزون
وفى هرجتك للكلام يصير طعم وطـراه

أبك أنت صوتك يوصلنى معه للجنـون
أغيب فى بحتـه وأذوق طعـم الحيـاه

تمون فى ذمتـى بإنـك عليـه تمـون
ملكّتك القلب وأعطيتك عليـه الوصـاه

يرخص لك الشعر لا والله كـل الفنـون
ترخص لعينك وقدرك دوم يرقـا غـلاه

تنهيدة الشوق والهاجس وبدع اللحـون
والوجد منك أنت يأخذ للمعانـى ضيـاه

إقلط بصدرى وأخذ ما تشتهى ما تهـون
مادمت الاحساس فى صدرى وقمة هواه

من كثر حّنيتك ما أحس غيرك حنـون
دايم شعـورك يغرقنـى بداخـل مـداه

علمتنى كيف احب العطـر والزيزفـون
وعلمتنى كيف أعرف الحب فى محتواه

إن غبت شوقك يسامرنى غرام وسكون
وأظم طيفك علـى قلـبٍ تزايـد بـلاه

بدون ما أقول احبك وأنت تدرى بـدون
إنظر لحالى وتدرى كيف حبـك رمـاه

لا تستمع هرجة اللى بالقفـا يهرجـون
أفات الاخبار دايم مـن كـلام الـرواه

أنساك وشلون هاذى بس يمكن تكـون
ما والله أنساك كود الناس تنسا الصـلاه

حرف الهاء لاهنت !!

**حامد العيد** · 31/08/07, (05:28 PM)

سبقتني ياصالح

ولك النون يالله استلم من نزفي

نويت اروح لديرة ضمت الروح=ماهو غلا في ديرتك بس لكن
يكفي بأنه ديرة آمال وجروح=ولا أظلمت غنيت فيها الأماكن
ديرة غلا تستلهم الود والبوح=يازينها ويازين ذيك المساكن

النون ياللي بعدي

**صالح العرجان** · 31/08/07, (06:02 PM)

حرف النون ؟!

،،،،

نقيت جـزلات الحـروف بمجمـك
وخليتك الشاهق على راس ما طال

وأهديتك اللى صار .. جرحك وغمك
اللى قطّع فى وصلك أسباب الارسال

وين أنت ياللى تلفت العيـن يمـك
ياللى وصوفك غير عن كل الاشكال

شعرك .. عيونك .. غير خدك وفمك
تجعل رزين العقل فى حالـة أهبـال

العـام تفدانـى بخالـك وعـمـك
وتمـد حبـك بـنٍ أشقـر بفنجـال

واليوم تـوه ..بيّـن الوقـت ذمـك
أثر الهوا فى دنيتـك لعبـت أطفـال

ما بيّن بعينـك علـى كثـر نمـك
شيٍ كتبته فيك وأصبـح كالامثـال

الغيـم نزلتـه بحرفـي لشـمـك
وخليتك عن الكل بالوصـف تختـال

وأهديتنى عقب الغلا كـاس سمـك
وعلمتنى وشلون هالوقـت ميـال

ما تذكر اللى عن همومك يضمـك
وأهداك نبض الشوق دبله وسلسال

تدرى فـوادٍ كـان شوقـه يلمـك
أهديتلـه خنجـرك والغـدر قتـال

وشلون طبعـك للمفـارق يزمـك
تبغي الصراحه ما بقي شـي ينقـال

لو كان إبه قطرة حيا وسـط دمـك
ما كان تنشد وأنت غايـب ورحـال

تقول كيف الحـال وشهـو يهمـك
وشهو يهمك لاأجل تنشد عن الحال

حرف اللااااااااام لاهنت ؟!

**حمد الخمعلي** · 31/08/07, (06:09 PM)

الأااااااااااااااااااااام استلم

لاتحسبني يوم صديت ناسيك

000000بس اتسلا وطرد الهم عني

حرف الياااااااااااااااء للي بعدي

**حمد الخمعلي** · 31/08/07, (06:11 PM)

حرررررررررف الياء

يامرقب المرقاب خله لمشتاق

00000حول وخل مولع القلب يرقا

ياليت ربي ماخلق حب وفراق

00000ولا خلق حبن على غير فرقا

حررررررررررررررررررف الأاااااااااااااالف للي بعدي

**صالح العرجان** · 01/09/07, (02:37 AM)

حرف الالف ؟!

استلم يا عشيري ؟!

،،،،،،،،،

أضرب على الاعلام صفر مكعـب
دامه يعـز الهـزل والمطفوقـي

ولاعاد تستغرب بوسط الساحـه
لو لمعـوا برويـده المحروقـي

،،،،،،،،،

حرف الياء لاهنت ؟!