سجل حضورك بأبيات ارتجالية - الصفحة 11 - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 21/05/11, (09:33 PM)

مايسحر الرجال ياكود ثنتين = اما عيون البنت والا حياها

**همس الوفاء** · 21/05/11, (10:20 PM)

قـصة عناد مسـتـوطـنه فـي داخــلــي غــصـب

... مــقــدر أجــامــل نــاس مــايـعـجـبـونـي....

**بنت الكحيلا** · 22/05/11, (01:46 AM)

يارب تكتب لي بعد ضيقي افراج

وتجعل دموع الحزن بامرك سعيده

مالي سوى رجواك يارب مخراج

ياالواحد اللي مايخيب عبيده

**معيض بن عريفج** · 22/05/11, (02:02 AM)

يارب تفـرجـهـا عـلى عـبــدك الـلي
ماله وسيه غير رجوى الفرج منك
ان ضـاق صـدره ثـم كـبـر يصـلي
ان ضـايـقــه هاجوس قلبه تزبنك

**سعد النفج** · 22/05/11, (11:16 PM)

عآدي لو انك تآخذ الروح و تروح ..
............... ما هي فدا لك بس / هذي حقيقه ..
عودتني تطعن و انا اقول مسموح ..
............... طعنك عذاب و باقي العمر ضيقه ..
إما لقيتك صاحب ٍ يسعد الروح ..
................. او احرق بروحي و بأسرع طريقه ..
مليت اذوق طعونك / و قلبي يفوح ..
................. ورا الضلوع العوج / تسمع شهيقه ..

**صبيح العوض** · 22/05/11, (11:21 PM)

اقتباس:
المشاركة الأصلية كتبت بواسطة محمد بن موسى
دخلت موضوع الاعضاء المفقودين بالقسم العام

فماكان مني الا الرد على تسائلهم بهذة المتواضعه

فاقد كثير من الرفاقه والاخوان=اللي عذاب أغيابهم ماقويته
منهم حمد الخمعلي طير حوران=اللي لياضاق الدهر بي نصيته
ومنهم ابو غانم سلايل كحيلان=الجعفري ياحي ذكره وصيته
ومعيض والصقار مع ابن درعان=والدهمشي والاشجعي مانسيته
واذكر صبيح ابن عوض واف الايمان=اللي رسخ بالراس قافه وبيته

اسعد الله اوقات الجميع بالمسرات

الشاعر سعد النفج شكرا على هذا الطرح الرائع

اخي الشاعر محمد بن موسى شكرا على اهتمامك

استلم طال عمرك بيتين ارتجاليه مع العذر توي اقراء ابياتك لك مني كل الشكر وتقدير

لاهنت يارجل/ن له الطيب عنوان * الي ذكـــــرني حـــــالفٍ مانسيتـــــــه

هذاك ابن موسى ســلايل ارويان * قرمٍ على الطــــولات ذكـــره وصيتــــــه

بالمنتدى لو شفتنا احيان واحيان * اظروف وقــــتٍ حـــــدني ماحديتــــــه

حنا هنــا ياصاحبي مثل الاخوان * على المعــــزه كل واحـــــــد لقيتــــــه

**صبيح العوض** · 22/05/11, (11:22 PM)

................................