اوراقي الخريفه في الليلة الصيفيه

[بروق الشمال]

تبي توادع رح فمان الله المعبود=رح في طريقك ياجعل وجهتك خضراء

[بروق الشمال]

الله عليك يفهد المساعد

اليوم صوتي يناسب لحظة الفرقى=كانك تبينا نتفارق خلها الليله
من ينتظر هالشقى لو ينتظر يشقى=دام الشقى ينتظرني ليه ماجيله
ياقلبي المنتظر مكتوبلك تبقى=محروم حتى من اللي كنت تشكيله
خل المراكب تسيرودع الغرقى=ثم وادع الحلم راحت منهو يشيله
اللي يدور عذر لفراقي بيلقى=يامن نويت المفارق قبل تمشيله
ارحل من احلامي اللي قلتلك ترقى=ومن روحي اللي معاد اعرف منهيله
من دفترك وارتباك خطوطه الزرقى=من كل ضحكه ودمعه من تفاصيله
ارحل وخذ ذكرياتك معك لاتبقى=ساعدني ارجع لنفسي كان لك حيله
علمتك الوصل علمني على الفرقى=محتاجلي قلب يشبه قلبلك الليله

[بروق الشمال]

كم من المؤلم ان لاتستطيع ان تعين نفسك بعدما كنت تعين الاخرين

[بروق الشمال]

لاسرت بايعني اشوفك على خير
مع السلامه دام مابه سلامه


قلت انتهينا قلتلك خــــير ياطير
ماني بأول شخص يخسر غرامة


محذرك من قبلها الف تحذيـــــر
لاعفتني بيعيف قلبي هيــــامة


ماني بميت لا ولا احتاج تبرير
صح الله لسانك ووفـــر كلامة

[بروق الشمال]

هالقصيده في ركن اختي النايفه
من شدة اعجابي بالابيات احببت ان اضعها في ركني
وكلما ممرت عليه عدت لقرئتها


لولا البكا ...ماينشرح خاطر... ولاينزاح ويل
خل الكدر يطفي سعير الليلتين ....اللي خلت
دام العيون اليا اهملت,,, تشفي القليل من الغليل
الله يبارك بالعيون........ اللي ليا ضقت اهملت
دمعة قهر ......تثبت لي ان اللي يحبوني قليل
ولاضحكة بوجيه ناس اليا تضايقت,,,, انكلت

[بروق الشمال]

وأيامي اللي عن الأحباب ودني =هن نفسهن أو هذاك الوقت وداهم
لو عنهم الوقت والأيام حدني =يبقى على البال طاريهم وذكراهم
والناس ماكلهم كانوا على ظني =صارت ثقافات تامرهم وتنهاهم
رباني ابوي والايام زادني=وعلمني الوقت والتاريخ ممشاهم
تعبت والله تعبت ومارضوا عني=وخلوا زعلهم بعيني يشبه إرضاهم
كني فهمت الحكايه بس ماكني=وكني ولافاهم ٍ حاجه وانا فاهم

[بروق الشمال]

جيت المكان وصاحت جروحي هناك=كن الزوايا تحتضر لعنبوها
مشيت اساير خطوتي مير ذكراك=دفنتها لكن جروحي لقوها
دورت لجروحي عذر عن سواياك= لقيتهم هم اول اللي نفوها
ليت المكان اللي جمعني بشرواك=ياليت عمدانه بقت مابنوها
ليت الزمن يرجع ورا واتحاشاك=وارتاح من هالمسئله كلبوها
ماكان شفت العبره اللي تباطاك=العبره اللي كلهم لاحظوها
تبي تسميها ضريبة خطاياك=تسلم يدينك سمها وانت ابوها
طفل الغلا اللي مات برضاه لرضاك=والفرحه اللي بالمهد كفنوها
والكلمه اللي قلتها قبل فرقاك =ماظن قيلت بالهوى واسمعوها
طوفتها كرمال عينك ولاجاك= مني عتب لين الجروح اكتموها
قلت العمر واحد عسى العمر يفداك=نسيتها مدري جروحي نسوها
ابطيت وايتام المشاعر تحراك=وابطو وهم في صدمتك ماوعوها
حتى الحياه اللي حلت يوم لقياك=مستخسره فيني فرح لعنبوها