سجل دخولك للمنتدى ببيت شعر اعجبك

[عبدالعزيز السعود]

احب أعسف المهرة اللي تغلى=واحب أروّض كل طرفٍ يموقِ
واحب أسافر مع سحاب تعلى=واحب فوق الغيم لمع البروقِ
واحب اساهر بدري اللي تجلى=وارسم شعاع الشمس عند الشروقِ

[الجادل]

علامك ياحزن قلي ..؟ علامك تطعن الهقوى ..!=صبرتك واسأل إحساسي وش اللي سيل أحداقي ..
تعال وشوف وش كثر الأماني في يد الرجوى ..!=كثر ماعشت بأنفاسي وصرت القيد لأشواقي ..
وش اقسى من كذا موقف ( أشوف إن الظمأ مأوى ) ..!=وش أقسى يالطريق اللي مشيتك من أمل ساقي ..

[صالح الضويحي]

لـو تـعــلـم أن أحســاســهــا العـذب يـنـســاب
مابيـن ذرات الهـوى .. تـلـعــن الـصـــــــمــــــت




هي هـكـذا .. من دون تــبــريــر وأســــــــبـــاب
ماأحيـط عـنـهـا .. الوصف .. مـهـمــا تــكـلـمـــت

[صالح التويجري]

لا تحسبوني كلما غنيت طربان
..........
أنا بحالٍ يعلم الله سببها

[شاعر البيتين]

يعني كذا يأم الوفاء والمحبه = كذا المحبه والوفاء ياوفيه
أغيب عنك أيام ولا أتنبه = ألا وأنا أشوفك زعلتي عليه
أن كنت مخطي فالخطأ مايجبه = الأ العذر وأنا أعترف بالخطيه
وهاذي بعد من فوق الأعذار حبه = لاتزعلين الله يخليك ليه

[سعود المسعودي]

روس المشايـخ تنحنـي للمباخـر
ولا انقصت من هيبة الشيـخ ذرّه

[أبو غرام]

وشلون تحصرني حدود الشك واقواس الظنون..؟
وشلون تطعنى من شفاهك سيـوف الأسئلـة..؟
يا كبرها ياعبرها.. وشلون اهونهـا و تهـون..؟
لاصرت بعيونك اخونك.. هذى اكبـر مشكلـة..!