بيت مني وبيت منك ..... الهمة يا شباب

[سندريلا]

التاء ابشر

تقول نفسي بس لو تصبر شوي
والصبر مر وهاجسي محتويني

ويقول لي بعض العرب ليش ياخي
اهرج وخلّ السر بينك وبيني

ياصبر صبري مات حلمي وانا حي
عيني تشوف وقاصراتٍ يديني

الياء لاهنت

[صالح العرجان]

حرف الياء



يـا كثـر مـا تطـري علـى فكـري حـلـوم
و أطـمـح أحـقـق بالعـلـم عــدَّة أشـيـا


قالـوا لـي مـن يبغـى العُـلا يهجـر النـوم
و اللـي قضـب درب الألـف يـدرك اليـا ..!



حرف الالف

[البيداء]

أبات ليلي بالمصيبات مقــهـــور

* * * * * * * * ليال ذقت الضيم ،، ماهي بليلة

من ضيم وقت ٍ هدم الدور وقصور

* * * * * * * منكف على العالم بجيشه وخيله




الــهـــــأء

[صالح العرجان]

حرف الهاء


( هي زادت الطينـه بَلـل ؟ ) أو ( زادت البلـه ب طيـن ! )
مدري .. و لكن ذا مثَـل قولـه // مـدام ( النبـع ) جـات

يـا سيِّـدي و الترجمـه باسفـل غَبَـا الشـاشـة تبـيـن
لن الحكي ( هندي ) و انـا مَ اعشـق سـواه امـن اللغـات

ما تدري إن ال ( قِرْ قِر ) إن مـا تحسـب احسابـه يهيـن
عنِّي .. دريت اب هالخبر بـدري .. و ( فضَّلـت السكـات )



حرف التااااااء

[ماجد الغانم]

استلم


تبسم يابعد حسي بعد نبضي وكـل شعـور
تبسم وأترك اللوعة علامـه مـن علاماتـي
تبسم وأترك البسمة تجبر خاطري المكسور
ترى بسمتك وهي بسمة تساوي كل ضحكاتي


الياء

[صالح العرجان]

حرف اليااااااااااء


يـاقـلـم مـعـذور واصـرخ لاتـهــاب وزيــد صـرخـاتــك بـوجــه الـمـحـبــرة
دامـهـا الأفــراح مـاتـبـقــى دوام تـحــت طـعـنــات الـظــروف الـمـرعـبــه


حرف الهااااااء

[سعد النفج]

حرف الياء

وحبيت اكتب أبيات بسيطه للشاعر الكبير محمد المقبل
أتمنى أن تجد حيز في قلبه ..

يا كاشف ليعقوب تخطيط الاخوان=يوسف بخير وزوروا قصة الذيب
ياراحم عبادك وياعالي الشان=ياعالم ٍ ما بالضلوع المحاديب
تعين من سطر من المدح قيفان=يمدح بها راع الوفا والمواجيب
محمد المقبل و اقول الشعر زان=في واحد ٍ معروف بالعرف والطيب
ما جيت ابمدح قاصد ٍ فيه بهتان=والمدح لجل المصلحه عندنا عيب
لكن جات مناسبه والوفا حان=والله يوفقني على كل ما جيب

المعذره ثم المعذره على قصر الابيات وابو ساره يستاهل أكثر من كذا



حرف الباء