"كـــــثر الغموض.. اللي سكني وضوحــــــــــــي"

[غموض الشمال]

سلامتك يابوي من كل عله=الحمد لله خالقي يوم عافاك
ياعل يومي قبل يومك ياعله=وياعلني مفقدك ولاسمع بفرقاك
نورت بيتك ياعموده وظله=ياتاج راسي جعلني من فداياك
رحبك المسجد مع الحي كله=صوت المؤذن بشر الناس بشفاك
وديوانك اللي يحتري منك طله=اشتاقت السبحه ومشتاق مركاك
وعلى دلال العز كلن توله=على النبا الطيب وضحكة محياك
سلامتك ياراعي الطيب كله= ياللي ينومسني مع النا س طرياك

[غموض الشمال]

أن كان يغريك الشعر ياغلايه=انا عليك يحدني طيب الاخلاق
وكانك من الدنيا تدور رضايه=انا وهبت العمر لرضاك ينساق
معك ابتدا عمري وقصة هوايه=وتبدلت عتم الليالي بالاشرق
يانادرن بالوصف يا اجمل حكايه=هديتي من خالق الكون رزاق
طلبت ربي يستجيب لدعايه=الله لا يكتب لنا بعد وفراق

[غموض الشمال]

يسعد صباحك ياصباح الرياحين
........................يصبحك قلبن شفوقٍ ومشتاق

صباحٍ اجمل من ورود البساتين
.................وأرق من ورد الندى فوق الاوراق

اليا ابتدى اول نهاري معك زين
.....................صبحي معك جنه وللروح ترياق

[غموض الشمال]

صبر وشقا وهموم وقلت توافيق=من خلقتي ماشفت غير السوادي
يارب تفتح لي دروبٍ مغاليق=وانزع من ايامي لباس الحدادي

[غموض الشمال]

ان كان مالك يالغلا بالوصل نفس=على الاقل ارسل وقول انك بخير
حالي دمار وخاطري منعفس عفس=في داخلي شيٍ يبي منك تبرير

[غموض الشمال]

للبيت قصه ولدروبه حكايه=حتى ترابه جزء من هالسواليف
سقفه وبيبانه وكسرة مرايه=اغليه لو كلن هجر ركنه وعيف
بشته مواعيد الغلا والعبايه=والبرد واسرار الدفا والمواليف
يابيت لو انك قديم البنايه=اجمل من قصور السلاطين بجنيف
جوك شفاي وشوفتك هي منايه=اللذ من جو الهدا لاقبل الصيف
لك موقع متمركزٍ في حشايه=قصة غلا ماهي علومٍ وتزييف
يابيت ودعتك هواه وهوايه =قل لاسمعت بشي ولاشي لي شيف

[غموض الشمال]

باسم الغدر تنال اعلى الشهادات=واصبحت متخصص بفن الخيانه
صار الكذب عندك مهاره وعادات=والصدق ماله في حياتك مكانه
غدار مالك فالمحبه ديانات=خنت العهد خنت الوعد والامانه
الحب عندك تسليه مع هوايات=حتى يقولو عنك فارس زمانه
واليوم متخصص فكل المجالات=كذاب ومخادع ومالك ديانه
نذرٍ علي لاسقيك كاس المرارت=واذوقك طعم القهر والاهانه