عــيـون الـمـهـا (( مرثيه ))

[مزيد المزيد]

أعجبتني هذه المرثيه

للشاعره عيون المـهــا،،



( الشمس غابت )

الشمس غابت وأنتهت كلمة الطيب =ماعاد له معنى ولا له سبايب
مات الذي باالطيب عدّى المراقيب=واللي بكت فرقاه سبع العجايب
الشمس غابت ونّخرع بالخلا الذيب=يوم أظلمت شمس السخا والوهايب
واليوم يوم أقفى خويّ المواجيب=أقفى على شداد الكرم والركايب
أقفى خلي ٍ من صغار العذاريب=له سيرةٍ من ذكرها ماتعايب
أبوي بسنين الوزاء للمعازيب=يهل خيره مثل وبل السحايب
وأبوي يوم الأرمله له نواديب=وقف لها مثل الذرى عن الهبايب
وأم اليتامى يومها شقّت الجيب=ظلل عليها من كبار المصايب
ذرّى بذراه اللي دموعه مساكيب=على العجوز وكل شايب وعايب
ليا شاف من يشكي جروحٍ معاطيب=مانام إلا وجرح من صاح طايب
راع العلوم الغانمه رايه مصيب=حلاّل قالاتٍ يفكّ النشايب
أقفى على علمٍ كما ريحة الطيب=يفوح طيبه لو هو اليوم غايب
وأقفى وخلانا نجر النواحيب=كبيرنا وصغيرنا له نحايب
يالله طلبتك يوم مدّ المكاتيب=أبوي باليمنى يمدّ الكتايب
يالله عسى يسقى ألذ ّالمشاريب=في جنتك ياعلّ مثواه طايب
ياعلّ مايعرض على أدنى اللواهيب=وعلى عظامه ماتمرّ اللهايب
يارب يارحمن ياعالم الغيب=تجعل له بقبره رياضٍ رحايب
الشمس غابت وأنحنت كلمة الطيب=مدام راعيها ونيس النصايب

.

وسلاااااااامتكم

.

[سندريلا]

صح لسان الشاعره عيون المها


وتسلم يمينك يامزيد على الذووووووووووق الراقي



والله يعطيك العافية


ولا حرمنا الله من إبداعك واختياراتك


بانتظار المزيد

تقبل مروري المتواضع

[مزيد المزيد]

الغالي / سعد


تسلم ياذوووق ويسلم قلبك



وعيون المها شاعره لايشق لها غبار قادمه الى الساحه بقووووووووووه



فقط لننتظرهااااااااااااااااااااااااااا


دمت بكل خير

[مزيد المزيد]

سندريلا


هلابك اختي وشاكر لك مرورك الكريم وتواصلك العذب


هذا من ذوقك وقصيده تستحق القراءه كما اسلف اخوي سعد

دمتي بخير

[سعود العواجي]

عيون المها شاعره رائعه..


والاروع هو حضورك ياابو راكان واختيارك الجميل ..




تقبل مودتي

[مشعل الضوي]

صح اختيارك يا بو راكان ...........

ذوق راقي واحساس جميل........

صح لسان عيون المها.........

تحياتي

[مزيد المزيد]

الغالي سعود



شكرا ً لمرورك والشعر الجزل والحقيقي يجب ان لانمر عليه مرور الكرام ..


دمت بحب