شيلة الحبلان لشاعر فلاح عشوي الحبلاني العنزي - °~*¤®§(§ شبـــكة ويــلان العـربـيـه §)§®¤*~ˆ°

**فلاح عشوي العنزي** · 08/04/21, (01:40 PM)

انا على ربعي تجيني الحميه
ربعي هل الطولات سقم المعادي

يوم القبايل بينها عنجهيه
افعالهم تشهد عليها البوادي

حبلان راعين النفوس الابيه
سادو على اللي في زمانه سيادي /

تبونها بالفخر او عنصريه
نجي على الثنتين فتخ الأيادي
————————————-
شلها يابن كحله وسقها هديه
في لابتي نسل الحرار الهدادي

متصدرين الأمه الوايليه
حبلان والتاريخ الأول يعادي/
—————————————
حبلان نجمن في السما شع ضيه
ربعي منوّخت الرجال الشدادي

البسي لطّام الخشوم العصيه
ستر العذارى يوم قدح الزنادي

هدلان ماهابو حياض المنيه
لا هبت الهيجا وصاح المنادي

والغشمي لأمنه نواهم بكيه
يكوي عدوه لين يصبح رمادي
————————————-
لا جاهم العايل وخلفه سريه
من دمهم تروي السيوف الهنادي

والهيزعي لأمن تعزوه خويه
يفداه في دمه وغلى العتادي
——————————————
يكعم فعول أهل النفوس الرديه
ويعجبك فعله في نهار الطرادي

وختارشه لا ثار في الوقت هيه
عدوهم يقلب نهاره سوادي

الجار مايرضون دونه دنيه
والمعتدي يصبح زواله وكادي

وعقب الجعيثن محتمين السميه
بشبه الجزيره فعلهم غير عادي
——————————————
تشهد على ماقول نجد العذيه
واللي يزللنا غشيماً وغادي

وختامها ازكى سلام وتحيه
لشفيعنا يوم المنادي ينادي

لشاعر فلاح عشوي الحبلاني العنزي

رابط الشيلة