~' الهبُـوب .. الشمـالي '~

[سعود الخلف]

متى يزين الحال !! مدري متى يزين
........................... لكن على الله لنا يجيب الله مطر




سنين ضاعت ولاأدري هو بقالي سنين
........................... مدري وخايف حلم الحياه لايحتضر



















مدري ولاأدري : ياخي شلون ! مدري
........................... طبعي كذا دايم / جوابي مختصر !!

[سعود الخلف]

هبُوب لندن مايشابه" هوآ طريف
........................... وش جاب لندن لـ"الهبوب الشمالي !!

الفرق واضح ماهو بحاجة لـ تعريف
........................... أسرآر / ذعـذاع الهبايب طوالي

عزي لمن فكره ملته التخاريف
........................... يصبح ويمسي ماله رفيقٍ موالي

كيبـورديه : في حينهـا

[سعود الخلف]

نتعب على الطيَب ونتعب على الطيب
........................... والخلق واجـد والولي هو فرقها

ياأبوي أنا ظلك عن سمُوم اللواهيب
........................... واللحيه اللي ماتحشم شاربك أحلقها

[سعود الخلف]

الكبت يتوالد بصدري ليلة السبت
......................... وشلون لاهب الشمال وذعذع هبوبه




خابت مشاريه وهقاوي ، وأنا شبت
......................... وقلبي تهاويل الزمن قامت تلوبه




فرحات عمري غابت ومنها ماطبت
......................... وشمس المواصل / آيله لـ غروبه




عابتني أقداري وأنا منها ماهبت
......................... يطغى أحتياجي والنفس ماهي مغلوبه




لاتحسب اني منكسر لك وتبت
......................... تبطي وأنا كافر بالخضوع ودروبه




كل الحكايه السبت ليلته كبت
......................... سكرات ذكرى شمالي ذعذع هبُوبه












مواجع كيبـورديه

[سعود الخلف]

الوحده تحتاج لونيس
والحزن يحتاج لتعيس ..!!



واللي بالفرحه تهقواا .. هبت طعونه / نسانيس





وياليتها بس ليلة خميس ..
ولـ تقليب المواجع مقاييس



ماكانت الدمعه تشقواا
ولاتضرس العبره .. ضريس




/



لكنها
’‘
تجي ليلة الجمعه
نشوف الأحزان مجتمعه .. ونرفع يدينا للسماء
" يارب تفرج كربة : الدمعه "





وهذي ليلة السبت
وحشة مشاعر / وآآآه ضيقه / وكبت






وبعدها ليلة أحـد
والصاحب الوافي جحـد


ياجرح منهو يدااااوي حالتي ؟؟
ويرجع صدى صوتي " محـد " !!






ويغفى الحزن ليلة الأثنين
الحيل طاح ونامت العين


ولامر شخصٍ مايجي إلا بالأحلام
فزت الصرخه .. تكفييييين : تكفييييين








وبليلة ثلوث أنتثر بووووح
أمتلي غربه ونوح



أشرب فناجيل الكئابه ..
وبالصدر /أباريق غربه تفوح






وليلة ربوع أتنفس أمآل
وأصبّر النفس والحال



ويارب ترزقنا القناعه والرضا
وترحمنا بيومٍ : غيرك ظلك مابه ظلال






كيبـورديه