حمزه عصى ربه ولكن من الدين !!

[مزيد المزيد]

اسعد الله اوقاتكم بكل خير ..

من زماااان عن ويلان ولا يمنعني الا قل الوقت ولا الغلا غااااالين ..

الكل سمع او قرأ عن حمزه كاشغري ولكن من الغريب كل هذه الحمله عليه

وترك من هم قبله واكبر منه سن واكثر قدرة على تحريك ساحتنا الثقافية
فالاجدر ان نبدا بهم ..

ثاروا على حمزه كاشغري ملايين=وكلن عليه يسن سيف الشريعه


وخلوا كبار القوم رغم البراهين =اللي غدا الألحاد فيهم طبيعه

كم مرةً للناس حطوا عناوين=تهتز منها الشامخات المنيعه

قالوا بأن الرب وابليس وجهين=يالعنة الله يالوجيه الشنيعه

حمزه عصى ربه .. ولكن من الدين=مانسكت لمنكر ومنكر نذيعه

لازم نقيس المسأله بالموازين =وننكر على اللي يستحل الطبيعه

الناس ماتت جوع بالفقر والدين =وراس العصابه مبتلش بالوديعه

محدن نطق كلمه ولا قال بيتين=ولحدن تكلم بالأمور الفضيعه

كلن دفن راسه تحت كومة الطين=وعذره ولي (...) وعلينا نطيعه

يعني نموت وحضرته خاطره زين=اهم حاجه ناقته بالطليعه

[ابو غريب العبدلي]

يشرفني اني اول واحد يرد عليك صح لسااااااااااااااانك يامزيد لله درك جزاك الله خير

[صالح الأسود الجعفري]

مزيد المزيد

صح السانك نص مميز
دمت بخير

[خلف الغريب]

صح لسانك ملايين ابو راكان
وحيا الله الغائب الحاضر ..

كلامك عين العقل ونسأل الله أن يلجم أعداءه ويفضحهم على رؤوس الأشهاد

لله درك ابا راكان

[هندي المقبل]

اهلا بالاستاذ القدير مزيد المزيد والله يحييك في بيتك


حضور بعد غياب وليس كأي حضور !!

حضور قوي بكل المقايسس ..

قصيدتك لاتحتمل التعليق عليها لذا سوف اقول صح لسانك واهلا بك ...

[احساس قلم]

ابو راكان
فقط

لن اكتب المزيد

لله درك

وصح لسااانك عدد بلا مددد

تقبل اعجابي بقووووة بهذه القنبلة الشعرية
تحياتي لك ودمت دوما بخير

[مزيد المزيد]

ابوغريب

الشرف لي وانا اخوك وابرك الساعات حضورك


صح بدنك ولاهنت