اين انتم يامصممي منتدى ويلان ؟؟؟ - °~*¤®§(§ شبـــكة ويــلان العـربـيـه §)§®¤*~ˆ°

**مزيد المزيد** · 27/03/06, (12:03 AM)

اسعد الله اوقاتكم بكل خير ...

قصيدة رثاء في خادم الحرمين الشريفين الملك / فهد بن عبدالعزيز ال سعود رحمه الله

هي قصيده قديمه واردت ان احتفظ بها لدي بشكل تصميم ......

لذلك ارجو ممن يجد الفراغ من الاخوه مصممي منتدى ويلان .... ان يضعها لي بتصميم جميل

وبسيط وقد ارفقت لكم اربع صور مما لدي لاختصار الوقت عليكم

ولكي تستطيعون دمجها او عمل ماترونه مناسب" .

ماهي كثيره لابكت موته العين =ولاهي كبيره لـ نحنى له جبينك
لنه فهد خدام بيت الحرمين =سيف اللقا في وجه ميلة سنينك
كريم ..وافي .. عادل" حزة اللين = ووقت الشدايد سطوته عز عينك
القايد الشغموم ضد المعادين = قال استرح يادار محدن يهينك
وحنا يابومتعب معك كلنا ايدين = ابطش بها حنا معك محتمينك
فرحه وحزن" ضاق مابين ظلعين =كل العرب صاحت ( فهد فاقدينك )
الشعب كله فدوه لراية الدين =ثم الملك ثم الوطن في يمينك
ياذخرنا يابن الرجال الكريمين = ياعزنا ندعي عسى الله يعينك
شف شعبك الوافي عنو لك ملبين = حطو يديهم بالرضا في يدينك
ولاهز شعب المملكه غير ثنتين = موتة فهد والدمعه اللي بعينك

صوره رقم 1

صوره رقم 2

صوره رقم 3

صوره رقم 4

**شمــــــــوخ** · 27/03/06, (12:43 AM)

هلا مزيد مساء النور

ماشاءالله عليـــــــــك فكرره رائعــــــــه ولاهو غريب عليك هالشئ ..

وفكرره نشغل المصممين تراهم فاضيين هالأيــــــــام

مشاعر وعنوسه يشوون لهم كباب ومحمد ونادر ياكلووون

يعني ماهنا شغل عندهم

والله أنك راعيها يامزيد .. جايب لهم صور بعد ..!!!!

<< بينقهرون منها

ونشوف تصاميمهم بهالموضووع الرائع

..

دمت بخير

**المشاعر** · 27/03/06, (02:08 AM)

اقتباس:

وفكرره نشغل المصممين تراهم فاضيين هالأيــــــــام

على كيفتس تقررين انتي وخشتس

وش يدريتس عنا

روحي بس كملي بحثتس ياللي عندتس اشغال

::::::::::::

اخوي المزيد وش اخبارك

ان شاءالله بسويها بتصميم بس مهب الاسبوع ذا ولاهوب اللي بعده <<< متى اجل

مدري المهم اني بحطها بجدولي

<<<<< تبي تقهر شموخ

بس تبيها فلاش ولا فوتوشوب؟؟

اذا تبيها فلاش .الله لايهينك القاها بصوتك وارسلها لي

**عنوسه ^_~ ماتهاب** · 27/03/06, (04:16 PM)

هلا وغلا اخوي

تستاهل والله

وموضوعك مميز

وانا نفسي نفسي ما اقول لك اكيد
بحاول اسوي
واشوف وش يطلع معاي وان كان شي حلو يستاهل بحطه

دام قالت شموح نشوي > وربي مب شاويه الا الشمس شاويتها لووووووولي

**محمد الدلماني** · 27/03/06, (06:23 PM)

حاضرين يابو راكان

قريبا انشاء الله

بس اذا فلاش نبي صوت

**الشمالي** · 27/03/06, (09:12 PM)

أمممممممممم

الحمدالله طلعتـــــ منهااااااااااااا

هههههههههههههه

مــــزيـــــــد

آنآ مآلي دخل عندك

هذييييييييييييييييييييييك

وهذيييييييييييييييييييييييييك

والدب محمد

وربي مآ يقصروووووووووووون

------> أن هذآ الولـــــد

عندهـ أختبارات

لوووووووولـ

لكن بسووووووووويها إنشاء الله

أخوك : نويدر :d

**مزيد المزيد** · 27/03/06, (11:25 PM)

شمووخ

هلابك والف شكر لمرورك بس طلعتي انتي اللي ماتدرين عن شي

لان قسم التصاميم مشعلل وتصاميم كل واحد اروع من الثاني ............

المشاعر / عنوووسه / محمد الدلماني / الشمالي

هلابكم مليون ولاهنتوا

والف شكر لتجاوبكم معي وان دل على شيء فهو يدل على قلوبكم الطاهره

ونواياكم الحسنه

يحق لي ان افخر لان احد قصائدي ستولد من جديد بأيدي مصممين ويلان الرائعين

وبالنسبه للفلاش او الفوتشوب اللي انتم تشوفونه ومن ناحية الصوت

انا صوتي مايساعد حق فلاشات وتصاميم .... وانتم فيكم الخير والبركه

اللي تشوفونه سووه ولكم كل الشكر والتقدير

دمتم بكل خير