خاتم سليماني

[ماجد المشعلي]

انا العاشق ودوبي جيت
شكيت الليل واشقاني
الا ياليت ماغنيت
بكاني الليل وابكاني
الا يالليل وين البيت
نهارن جمع اخواني
تعبت ابني الا لو ليت
الا ياحظ قوماني
عشقته منه مامليت
قطفت الزهر واهداني
هديه منها سويت
مثل خاتم سليماني
تمنيته وتمناني وتمنيت
عيون الشعر تهواني
تبلاني وتبليته وتبليت
وبليته وبلى وبلاني
ووداني ووديته ووديت
هذا خبري ووداني
كتبت من الشعر وابليت
حروفن مالها اثماني
هجوس الشعر لو ناديت
تجيني مثل حوراني
يجيني القاف لاغنيت
يغني مع هوا اشجاني
بيوت الشعر لاسويت
يشافي روح وجداني
انا لي وقت ماشبيت
بخورن منه ريحاني
من اسباب الغضي ونيت
اوس وس به على لساني
اصوت له ونادي بيت بيت
وادور له بليوانه وليواني
هنوف الشعر لو غنيت
زمان الوقت خلاني
طعني مثل رجلن ميت
قتلني ثم داواني
وانا لولاك ماعانيت
غرامن فيك عناني
لاشك ادري ولواخطيت
هواك العذب خطاني
معاليقي عليكم صيت
ونومي منك جزاني
شعوري فز لا فزيت
يماري دون عدواني
تعلت يوم اناعديت
تعلت فوق عقباني
شبيه الجير لاهديت
نداوي حر شيهاني
عسى ربي يعز البيت
وينصر دار الايماني
وصلو كثر ماخطيت
عداد البرق وامزاني
على نور الهدى صليت
شفيعي يوم يلقاني

وطلبتك كل ماناديت
الاهي عالي الشاني
تجيب اللي لهم حنيت
زمانن فات ماجاني
يفوت الهرج كيت وكيت
زمان الصبر انهاني
وانا ياشمس لو عليت
مرد الارض للعالي
...
القاسي

[خلف الغريب]

أخوي العزيز ماجد المشعلي ..

الله يحييك ومرحبا بك اخا عزيزا ونجما صاعدا في الشعر ...

لغتك الشعرية راقية وبحرك هادئ وجميل ولولا وجود خلل في الوزن والقافية لبقيت القصيدة في منتدى الشعراء ..
لاحظ معي :


تمنيته وتمناني وتمنيت
تبلاني وتبليته وتبليت
وبليته وبلى وبلاني
ووداني ووديته ووديت

هذه كلها ليست على وزن شعري أبداً مما يربك الوضع العام للقصيدة ..

وهناك تغير في القافية في آخر شطر في القصيدة :

مرد الارض للعالي


انا متأكد من قدرتك على ضبط الوزن في المرات القادمة ونحن هنا نستفيد معاً فحياك الله اخوي ماجد

[ماجد المشعلي]

مشكور اخي على الايضاح

بس ممكن تقولي وش نوع البحر الي قصدت عليه انا

لاني شعرا اختلفو على نوعه

وشكرن

[ماجد المشعلي]

حاب اوضح يا اخ خلف الغريب


انت استعجلت في النقل اي


البيت الاخير اكيد كان غلط مني وليس عدم خبره اخي


اما بالنسبه وداني وديته ووداني الملاحظلات هذي حسب النطق

اهم شي انك مالقيت ملاحظات غير هذولا

لان كل الي لقيت عليهم ملاحظات اخي تنطق حسب النطق او تنعدل ماكان استعجلت بنقلها

ولاكن يبدو انك من المشرفين الجددد ومتحمس الله يوفقك وشكرن وانا معروف قبل اكتب هالقصيده او غيرها

والبيت

الي فيه مرد الارض للعالي
واضحه وضوح الشس انه عجله ككل الشطر على اني المفروض قلت عدها ونعدلها وشكرن مره اخرى بس اتمنى تطول صدرك مع الشعرا الي توهم مسجلين لحتى تتعرف اكثر

[اسـماء العنزي]

مشكور والى الاماام نجمه مني