ســلام رديــة وفــا لأغـلـى رفيـق=راعي المراجل كلها نعم الصديق
أرتاح يوم أشوفه لو بالقلب ضيق=وتزول عن عيني جميع أحزانها
فيصل ولــد عبدالله وجــدّه حـمــد=والنعم عدّ ما شفنا برق ورعد
نسـل السبــاع الوافـية نعم السـند=ما خاب من وقّفْ على بيبانها
راعي الوفا والهقوة والقلب الكبير=مثل الصقر حرٍّ على الزينه يغير
وإليا نخيته فـتزّ من وكــره يطيـر=نسل الحــرار اللي رفيعٍ شــانـها
شهمٍ ليا جــات المـواقف مـا يغيب=للجرح في هالدنيا دكتـور وطبيب
راضي بحكم الله وراضي بالنصيب=والنفس عن شين الفعايل صانها
في طيب قلبه معطـي العــالم دروس=ياطى على شين الفعايل ويدوس
يمشي على وضح النّقى جعله امـحروس=من كـل بارودٍ ومن نيشانها
مثل البـحـر يعطي ولا ياخذ أبــد=وأنفاسه مسك وعود وأحلى من الشهد
من شاف وجهه قال ذا وجه السعد=مــا شــفـــت مـثله بالعــرب وأعيانــها
راع الكرم والجود من ماضي السنين=مفتوح بابه للضيوف بكل حين
مشهــور بالتواضع وجــــود الـيمـين=إليـــا عطا مايعطي إلاّ أسمانها
شامخ كمــا جبـال تعانقها المخيل=وأفخر ما دامني معه خل وخليل
نادر في دنيا ما بها رحمة وجميل=نسل الرجال اللي الوفـا ميدانـهـا
تعجز قوافي الشعر وبيـوت القصيد=في وصف تاج العزّ والعقد الفريد
ما أوفاك حقك والله شعر ابن حميد=لـكنْ بهـــا مـحـبّتـي عنــوانــهــا
وآخــر كلامــي ودّي أعطيك العهــود=وآخذ وعودك يا عريب ٍبالجدود
من دون قاضي أو محامي أو شهود=بيني وبينك غــاليــات أثمانـهــا
نبقى حبــايب بيننا ودّ وســرور=مهما الزمن يرمي علينا من شرور
كِلْ ما سبق حقيقةٍ ما هي بزور=بعض العلوم اللي ثبت برهــانهــا
عبدالرحمن الجابري
انت كريم وهو يستاهل 0 كلمات رائعه ومعبره
صح الله لسانك0 لك تقديري
22/09/11, (01:23 AM)
رد: إهداااء خاااص لعديل الروووح ..
العرض المتطور
