لـو قيـل حـج وحـط بالكـف مسبـاح
،،،،،،،،،،،،،،، الـذيـب ماخـلّـى مـنـال الـشــواوي
البارحة يوم الخلايق
البـارحـه يــوم الخـلايـق بـالأمـراح
،،،،،،،،،،،،،،، سـريــت لـلــي كالـلـوالـو عــذابــه
غاب الحليـل وصـار بالبيـت ميـلاح
،،،،،،،،،،،،،،، جيـت اتخـطـى لنّـهـم لــي انتسـابـه
قالـت تنـزح لزهـج النـزل بصـيـاح
،،،،،،،،،،،،،،، ماني مـن اللـي بالـردى ينهقـى بـه
قمت اتمطـرخ لـه وديـره بالامـزاح
،،،،،،،،،،،،،،، لـيـن الحبـيـب قــام يضـحـك بنـابـه
قـام الحبيـب وقطـب البيـت بسـيـاح
،،،،،،،،،،،،،،، وكشفت عـن بيـض الترايـب ثيابـه
ورقدت بالثوب الحمر زين الاريـاح
،،،،،،،،،،،،،،، لامـن عمـود الصبـح بيّـن سرابـه
قالـت تولّـم جــاك فــلاّج الاصـبـاح
،،،،،،،،،،،،،،، وداعـتـك ســدّي مـعـك والـحـزابـه
قلـت ابشـري ياعين خشفن اليانزاح
،،،،،،،،،،،،،،، ســدّك دفنـتـه فــي قلـيـب دوابـــه
مانـي ولـد نـذلٍ عـلـى الـسّـد بـيّـاح
،،،،،،،،،،،،،،، اللـي الـى قفّـى عشيـره حـكـى بــه
علمي بهم ياعبيد يوم المطر طـاح
،،،،،،،،،،،،،،، واليوم عشب الوسـم كـلٍ رعـى بـه
ما ادري مع اللي حدّروا يم الاسياح
،،،،،،،،،،،،،،، وإلاّ مــع الـلـي سـنـدوا يــم طـابــه
ياونتي ونة خلوجٍ
يــا ونـتـى ونــة خـلــوجٍ تـهـوبـى
،،،،،،،،،،،،،، علـى ولدهـا بـاخـر اللـيـل سـاعـاه
ما طيع لو حطوا على الـزاد روبـى
،،،،،،،،،،،،،،، فرفـور صيفـن صاخـنـاتٍ شـوايـاه
يامحسـن العربان عنـكـم غـدوبـى
،،،،،،،،،،،،،،، اهـل الربـاع اللـى وساعـن ثنـايـاه
ياخانـت البـدوان عــوج الـدروبـى
،،،،،،،،،،،،،،، يابدهـم مـن شـدةٍ وقــت الاضـحـاه
فوق اوضـحٍ عليـه وسـم الجنوبـى
،،،،،،،،،،،،،،، يتلـى ظعـون الشنتـرى والـقـراراه
شرق و شمال وغربوا والاجنبوا بي
،،،،،،،،،،،،،،، بمـفـرع السلـمـان تلـقـى رعـايــاه
غرب اسريـا تلقـط لاهلهـا شبوبـى
،،،،،،،،،،،،،،، ديـرة حلـب لـهـم مبيـعـه ومـشـراه
ارسلت لـى مرسـال ولا سـدنوبـى
،،،،،،،،،،،،،،، ولاظنتى واجـه عشيـرى ولا جـاه
يالله لا تــرزق خـطــات الـكـذوبـى
،،،،،،،،،،،،،،، اللـى يخـم العـلـم مــن دون ملـفـاه
هاتوا طبيـب الهنـد يكـوى جنوبـى
،،،،،،،،،،،،،،، مـن علـةٍ بالقلـب مــا لــه مــداواه
يابن رشيد
يابـن رشيـد ومايـل القلـب مدفـوش
،،،،،،،،،،،،،،، يامنتـهـى شـكـواي والقـلـب معـتـل
على الـذي نهـده تقـل طلـع بطـوش
،،،،،،،،،،،،،،، بيـض الحمـام بلبتـه اوهــن اشـكـل
والبطـن لا قبـوط ولاقطـن منفـوش
،،،،،،،،،،،،،،، لا مــرعــزٍ لــيــان جــلــده ولا زل
الين من الدهدار مـا يدانـي النـوش
،،،،،،،،،،،،،،، اليـا ارفعـه مـن الهبايـب هـوا ظــل
يا عين ريمٍ بيـن الاجـراد منحـوش
،،،،،،،،،،،،،،، حييـت لهـا طبـع الجهـالـه ولا حــل
والخد من نبـات الاريـاح مرشـوش
،،،،،،،،،،،،،،، ورقـوم يقـدن رش مـزن الـيـا هــل
من عام لا مرسال لا علم لا طروش
،،،،،،،،،،،،،،، هــذا شـهــر شـــوال وقـصـيّـر زل
وسلامتكم
20/09/11, (07:05 AM)
من قصائد بصري الوضيحي
العرض العادي
