"سر الغلا"

[بنت الكحيلا]

لا تعتذر يا صاحبي وانت مسموح = سامحك قلبي قبل تطلب سماحه

ماقد سمعت ان الجسد خاصم الروح= ياروح لا تحرم جسدك ارتياحه

دونك ابد مالي بدنياي مصلوح= والموت بعدك ما يهم..... اجتياحه

من شوفتك ودعت انا الحزن والنوح =ورتحت يوم الوصل هبت رياحه

كانك تبي قلبي فهو منك مذبوح=وياك غابت بهجته..... ..وانشراحه

صرت اتخيل شوفتك وين ما روح=حبك غزاني وطعنتني.... رماحه

والمشكله سر الغلا صار مفضوح = لااحدن سألني عنك قلت الصراحه

ما عاتب احساس ن جبرني على البوح=قلبك دعاني والمحبه سلاحه

باافرح ولو قلبي من البعد مجروح= من عاش حبك كيف يذكر جراحه

[فــرج الدهمشي]

بنت الكحيلا

صح لسانك مد بلا عدد على هالرائعه

بانتظار ما يفيض به قلمك

اطيب التحايا

[بندر السديري]

بنت الكحيلا
الله عليك ..
صح الساااانك ياالغاليه ..
الابداع ينساب من بين اناملك كالدرر ..
ابيات قمة في الروعه ..
استمعت بها كثيراً ..
تحيااتي

[محمد بن موسى]

دونــك ابــد مـالــي بـدنـيـاي مـصـلـوح
والمـوت بعـدك مــا يـهـم..... اجتيـاحـه

من شوفتك ودعـت انـا الحـزن والنـوح
ورتـحـت يــوم الـوصـل هـبـت ريـاحـه



الله الله يا بنت الكحيلا



رائعه لا تكتب الا بيد رائع

صح بوحك ونبض قلبك

كلمات يحفها الابداع من جميع جوانبها

ابدعتي وتألقتي بهذا النص

ادام الله تألقك

تقبلي فائق الود والاحترام

كوووني بخيرر

[مشهور الرشدان]

الشاعره القديره / بنت الكحيلا

صح لسانك وعتلا شانك قصيده رائعه
وسلاسه الوزن جعلتني اقراها وبكل تمعن
بنتظار جديدك حفظك الله ورعاك

[بنت الكحيلا]

اقتباس:
المشاركة الأصلية كتبت بواسطة فــرج الدهمشي
بنت الكحيلا

صح لسانك مد بلا عدد على هالرائعه

بانتظار ما يفيض به قلمك

اطيب التحايا

صح بدنك اخوي فرج الدهمشي

والروعه في مرورك الكريم

لك شكري وتقديري

[بنت الكحيلا]

اقتباس:
المشاركة الأصلية كتبت بواسطة بندر السديري
بنت الكحيلا
الله عليك ..
صح الساااانك ياالغاليه ..
الابداع ينساب من بين اناملك كالدرر ..
ابيات قمة في الروعه ..
استمعت بها كثيراً ..
تحيااتي

صح بدنك اخوي بندر السديري

واشكرك على هذا الكلام الطيب والمشجع

والروعه في مرورك الكريم

لك تحياتي وتقديري