بيت الشرف - °~*¤®§(§ شبـــكة ويــلان العـربـيـه §)§®¤*~ˆ°

**عادل علي الخمعلي** · 24/02/11, (07:54 PM)

بيت الشرف والعز بالطيب مرصوع=وبيت الردي لو زان ماله مهابه
وبيت(ن) يظل إسباع لو كله رقوع=اخير من قصر(ن)يجيب المعابه
ونا من الويلان...... والراس مرفوع=قوم(ن)لهم في قمة المجد غابه
تاريخهم........ مايجحده كل زيبوع=اهل الكرم والسيف عزه إنصابه
ياما شرعنا شي ماهوب مشروع=وبين عنزه والمجد عرق ونسابه
طبع عنزه... ماتجلب العار والجوع=وحقوقهم بالغصب ماهي طلابه
عون الدخيل ودونه إسهوم ودروع=واللي قرب للنار....تحرق إثيابه
وبيوتنا للضيف.....مدهال وشموع=والجار لو إنظيم.... يلقى زهابه
ورفيقنا شوره على طول مسموع=وبالمال والارواح.... نجبر مصابه
حنا لحال....... ودايم الدوم بطلوع=حنا السؤال اللي صعيبن جوابه
إإإإإيه عنزي ...واقولها ورفع الكوع=يوم(ن) كل(ن) يعتزيله.... بلابه

**محمد بن موسى** · 24/02/11, (10:14 PM)

عادل الخمعلي

ومليوون نعم يالخال وباللآبه اللي انت منهم

قصيدة رائعه ومميز بروعة شاعرها

صح السانك مدد بلا عدد

تقبل فائق الود والتقدير

كن بخير

**عادل علي الخمعلي** · 24/02/11, (10:33 PM)

تسلم ياخوي محمد وهذا من طيب أصلك ولك مني جزيل الشكر والعرفان على هذا الإطراء دمت بااالف خير

**حمد الخمعلي** · 25/02/11, (10:57 PM)

في البدايه اهلا بك اخي عاادل في منتداك وبين اخوانك ولنا الشرف بإنظمام شاعر بحجمك إليناا0

ثانياً

صح قلبك وسلم بوحك على هذه المفخره والجزااله وحقيقه قصيده تستحق الوقوف أمامها والتأمل بين أسطرها0

بيت الشرف والعز بالطيب مرصوع00

وبيت الردي لـو زان مالـه مهابـه

وبيت(ن) يظل إسباع لو كله رقـوع00

اخير مـن قصر(ن)يجيـب المعابـه

بيتين اجتمع فيهن القوه والمعنا والحكمه0لله درك

حنا لحال....... ودايم الدوم بطلـوع00

حنا السؤال اللـي صعيبـن جوابـه

بيت بالفخر والاعتزاز بالقبيله من اجمل ماقرأة0

القصيده بمجملها جزله وتستحق التثبيت

اتمنى استمرارك اخي عاادل معناا ولاتبخل عليناا من دررك

كُن بخير