قاصمة الظهر.......

[احمد العريفي]

قاصمة الظهر

صاحبي وقـف جـزاك الله خيـر = انزل وأذن نبـي نصلـي العصـر
لقضينا الفرض سو اللـي يصيـر = الصلاة ابدا علي مـن كـل امـر
خلنـا نرتـاح أتعبنـا المسـيـر = طََوَل المشـوار والسكـه وعـر
ودنا نجلس علـى جـال الغديـر = وانتمتـع بالربـيـع وبالـزهـر
ريحة القيصوم والشيـح العطيـر= تنعـش اقلـوبٍ توطاهـا الكـدر
خيمةٍ بالبـر مفروشـه حصيـر = تسوى عندي فلةٍ وسـط الخبـر
شب نارك دامنـا وقـت العصيـر = جهز الدلـه وقـرب لـي التمـر
اه من جرحٍ لجا باقصى الضميـر = مايطيـب الجـرح والدنيـا قهـر
والقهر لصـرت محتـاج لحقيـر = حاجتـك عنـده ولا عنهـا مفـر
وانت مضطرٍ ولا لك مـن مطيَـر= هـذه والله قاصـمـة الظـهـر
يتركـك تمشـي بخـطٍ مستديـر = لاقضـى الـلازم ولا قـدم عـذر
وان نخيته جاك مكسوفٍ حسيـر= وان بدا له غـرةٍ منـك غــدر
وانهزم عنـك مثـل زول البعيـر= مرخيٍ راسـه تقـل يتبـع اثـر
تزكـي الاحـرار لصـاح النذيـر = لنخيت الحـر جـا يهـدر هـدر
يرتكي للحمل لو حملـه عسيـر = مايمل الحمـل لـو حملـه كثـر
وان زبنته خايفٍ بـه مستجيـر = دون عمرك حـط مالـه والعمـر
وش يجيب السيف للموس الشطير = ذا لقص الراس وذا لقص الشعـر
لايغـرك منظـر العـود النظيـر = كل عـودٍ يرجـع اصلـه للبـذر
وان بدا لك لازمٍ لو هـو صغيـر= قبل اخذ الشور والعـزم استخـر
شف حبال الليف مع كثر الجرير = شق دربه في جـلاميد الصـخــر
ولا وصلت لقمة الـشي لاتسيـر = ماورى القمـه تـرى الا منحـدر
والعوافي نومـةٍ عقـب الاخيـر = فوق طعسٍ ناعـمٍ رملـه حمـر

احمد بن عبدالرحمن العريفي
(نديم المجره)

[سالم صالح]

الله اكبر على هذا الابدااع من شاعر كبير بحجم


احمد العريفي


صح السانك على هذة الشامخة وعزالله انك صدقت بما قلت

والـقـهــر لــصــرت مـحـتــاج لـحـقـيــر

حـاجــتــك عــنـــده ولا عـنــهــا مــفـــر

وانــت مضـطـرٍ ولا لــك مـــن مـطـيَـر

هـــــــــذه والله قـــاصـــمـــة الـــظـــهــــر



انت مبدع مبدع وتكتب بفكر راقي وواعي فالله درك وتاكد انني من متابعين هذا الاسم والفكر المميز دوماً


تقبل تقديري وتواضع ردي امام هذا الشموخ

[البدر]

ياسلام يا احمد العريفي

اقف تقديرا لك ولشعرك واصفق لهذه القصيده .

ماذا عساني اقول امام هذه القصيده وفي ماذا اشيد في ترابطها ام في قوتها ام في اختيار البدايه ام في الابيات التي حملت الافكار البكر ..ام ..ام

صح لسانك وما اجمل هذه القصيده التي كل بيت فيها عن قصيده

ولن اقتبس بيت حتى لا اظلم البيت الثاني

فقط اقول صح لسانك شكرا على هذا التواصل فنحن بحاجه الي الاستمتاع بمثل هذا الشعر ونطمع بتواصل اكثر منك يا احمد

احمد العريفي صح لسانك وتقبل اعجابي بما تكتب

[بنت الكحيلا]

صح لسانك اخوي احمد العريفي

وتسلم على القصيدة الرائعه

كتبت فأبدعت بارك الله فيك

لك شكري وتقديري

[محمد بن موسى]

الشاعر القدير / احمد العريفي

صح السانك ملايين يالغالي

قصيدة رائعه وفيها من الجمال والعذوبه الكثير

اعجبتني ابيات كثيرة ولكن هناك بيت سيردد صداه طويلاً

لقضينا الفرض سو اللي يصيـر..الصلاة ابدا علي مـن كـل امـر

بيت من اروع ما قرأت

وهناك اخطاء املائيه كثيرة في النص مثل (لقضينا )(لا قضينا )

اما بخصوص بيت القصيدة الاساسي

(هـذه والله قاصـمـة الظـهـر )

فأعتقد ان هناك خلل او انك نسيت كلمه من الشطر
فشاعر بجزالة احمد العريفي اعتقد انه لايصعب عليه الوزن

(هـذي هي والله قاصـمـة الظـهـر )

لكان افضل

كلامي اخي لا يقلل من جمال ورعة وجزالة ابياتك
وهي وجهة نظر شخصيه لا اكثر

تقبل مروري وفائق مودتي

[بندر السديري]

صح السانك ياالغالي
قصيده راااائعه
من شاعر اروووع
يعطيك الف عافيه
وانا مع كلام اخوي محمد بن موسى
ويبدوا ان ناقدنا الغالي الاستاذ البدرماانتبه لهذا الشي
تحيااتي

[عبدالله المعيوف الدهمشي]

اه من جرحٍ لجا باقصى الضميـر
،،،،،، مايطيب الجـرح والدنيـا قهـر
والقهر لصـرت محتـاج لحقيـر
،،،،،، حاجتـك عنـده ولا عنهـا مفـر
وانت مضطرٍ ولا لك مـن مطيَـر
،،،،،، هـذه والله قاصـمـة الظـهـر
يتركـك تمشـي بخـطٍ مستديـر
،،،،،، لاقضـى الـلازم ولا قـدم عـذر
وان نخيته جاك مكسوفٍ حسيـر
،،،،،، وان بدا لـه غـرةٍ منـك غـدر
وانهزم عنـك مثـل زول البعيـر
،،،،،، مرخيٍ راسـه تقـل يتبـع اثـر
تزكي الاحـرار لصـاح النذيـر
،،،،،، لنخيت الحـر جـا يهـدر هـدر
يرتكي للحمل لو حملـه عسيـر
،،،،،، مايمل الحمـل لـو حملـه كثـر
وان زبنته خايفٍ بـه مستجيـر
،،،،،، دون عمرك حـط مالـه والعمـر
وش يجيب السيف للموس الشطير
،،،،،، ذا لقص الراس وذا لقص الشعـر


الشاعر أحمد العريفي

الله عليك

ما هذا الجمال

صح لسسانك ملايين

والبيت إللي يقولون الاخوان انه مكسور إللي هو

وانت مضطرٍ ولا لك مـن مطيَـر
،،،،،، هـذه والله قاصـمـة الظـهـر

البيت سليم مية مية والقصيدة كلها مية مية وانت مية مية

صح لسانك وسجلني من متابعينك