يانظر عين مشهور - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 12/12/10, (09:05 PM)

بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء هذا المنتدى الشامخ
ابيات متواضعه اقبلوها كما هيا اليـــكــــم

طول غيابك يانظر عين مشهور

عجل قبل لاتسمع الناس تنعاه

عايش على ذكرك له سنين وشهور

وليا اطرو اسمك فز ويقول ويلاه

بيتك بوسط القلب وضلوعي السور

خايف تجيني رياح وتهد مبنـاه

اخلف اسلوم الناس ياسيد الحور

وخل الشفايا تصتفق مع شفاياه

وجدي عليها وجد من راح مقهور

جافوه ربعه وهم سيفه وشلفاه

او وجد شيخ طاح للكبر والزور

على بناته واقشر الحظ ياطاه

او وجد شالح يومه يصيح ويدور

على الفديع وذيب روح وخلاه

تحلى القصايد فيه والشعر منثور

يستانس الخاطر بمثله وشرواه

**بنت الكحيلا** · 12/12/10, (09:27 PM)

صح لسانك اخوي مشهور الرشدان

والله يعطيك العافية على القصيدة الرائع

بارك الله فيك

**سعد بن هندي** · 12/12/10, (09:44 PM)

صح السانك شاعرنا المبدع/ مشهور الرشدان
وبيض الله وجهك على هـ الحبكةالشعريه والفريده من نوعها
تصوير رائع برمزيه فاخره
تحياتي لكـ

**حمد الضوّي** · 13/12/10, (12:11 AM)

الشاعر مشهور الرشدان

وجدي عليها وجد من راح مقهور

__________جافوه ربعه وهم سيفه وشلفاه

او وجد شيخ طاح للكبر والزور

__________على بناته واقشر الحظ ياطاه

او وجد شالح يومه يصيح ويدور

__________على الفديع وذيب روح وخلاه

الله الله صح لسانك وإعتلا شانك قصيده مميزه ابدعت فأمتعت..........تقبل مروري

**مشهور الرشدان** · 13/12/10, (12:11 AM)

بنت الكحيلا صح بدنك والله يعافيك
الاروع مرورك اختي الكريمه

**مشهور الرشدان** · 13/12/10, (12:14 AM)

سعد بن هندي صح بدنك يالغالي وجهك ابيض
شهاده اعتز فيها من شاعر مثلك شاكر مرورك استاذي سعد

**مشهور الرشدان** · 13/12/10, (12:17 AM)

(درع عنزه ) صح بدنك يالغالي شهادتك وسام ع صدري
شكرا ع مرورك الكريم استاذي حمد