مرثيه ثليثوه - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 12/12/10, (12:10 PM)

هذه مرثيه لشاعر:عوض سليمان الرشدان الجعفري العنزي بثليثوه:

١
-سبحان ربن كون الكون واغـــــــلاك

وارخصك من عقب الغلا ما شقوبـــــــك

٢-نرثاك يا أعز المواريد نرثـــــــاك

مثل الرجال اللي وكاد اتعبوبـــــــك

٣-انتي مثل هداج في حين مبـــــــداك

هرج صحيح ويشهدن لك اجنوبـــــــك

٤-سميتي الشيخه وكلن تمنـــــــاك

ياعد زينات الموارد حكوبـــــــك

٥-تاريخك الماضي يخلد مزايـــــــاك

بالطيب يا جو الوفاء هيجنوبـــــــك

٦-ياكثر وردك ياالاصيله كثر مـــــــاك

مثل اللبن جمك لذيذ شروبـــــــك

٧-وين النزول اللي مع الصيف تنصـــــــاك

ينسا الضما من جاء لهم يانزلوبـــــــك

٨-وصك القطين وراح مرون ظمايـــــــاك

ودن النجور وسجتن مع دروبـــــــك

٩-واليوم شفت الورد قام ايتعـــــــداك

ذعذع هوى غيرك وسكر هبوبـــــــك

١٠-من يوم كثرن المكاين تركنـــــــاك

ربع تقوم بواجب اللي يصوبـــــــك

١١-اسمك ثليثوه عزيز مسمـــــــاك

كبر فرحهم يوم تبا شروبـــــــك

١٢-عسا الحيا يسقي مجرك ومفـــــــلاك

وهل القرى والباديه ربعوبـــــــك.

**غموض الشمال** · 12/12/10, (01:29 PM)

صح لسانك ولسان شاعرها

الله يعطيك العافيه اخوي مشهور على النقل الجميل

تقديري لك

**حمد الضوّي** · 12/12/10, (04:34 PM)

مشهور الرشدان

صح لسانك ولسان الشاعر . عوض السليمان وبيض الله وجهك ووجهه على ها لقصيده الجميله....شكرا ً على النقل المتميّز سلمت يداك ..........تحياتي

**مشهور الرشدان** · 12/12/10, (07:40 PM)

صح بدنك اختي غموض والله يعافيك وشاكر مرورك الكريم

**مشهور الرشدان** · 12/12/10, (07:44 PM)

(درع عنزه ) وجهك ابيض وصح بدنك ومرورك شرف لي طال عمرك
شاكر مرورك استاذي الكريم

**سعد بن هندي** · 12/12/10, (07:53 PM)

اخوي / مشهور الرشدان
صح السانك وصح السان الشاعر / عوض سليمان
على هـ الرائعه وسلمت يمينكـ على مأخترت لنا وبيض الله وجهك
دمت بحفظ الرحمن

**مشهور الرشدان** · 12/12/10, (08:17 PM)

الغالي / سعد بن هندي صح بدنك ووجهك ابيض ياطويل العمر
شرف لي مرورك الكريم شكرا ع مرورك استاذي سعد