ياعين شحّي

[أبو غرام]

( يا عين شحّي )

ياعين شحّي لا تجودين يا عين=دام الحزن بالقلب لا تظهرينه
لا تجعليني بنظرة الناس مسكين=ولا تجعليني دون عزه متينه
حبست دمعي مثل حبس المساجين=وعجز حسودي يفك قيد السجينه
اكبر بلا لا صار حولك ملاعين=اللي شعوره لك حقد وضغينه
ما في امر من مر شمت المعادين=ولا في اعز من ليث داخل عرينه
صبرت لين الصبر فاق الموازين=كم ضيقة بالصدر صارت دفينه
قدرت انا اكتم صدمة الهم والبين=لكن عجزت اكتم مرار الغبينه
ما يقبل الغبات كود الرديين=والا انا من قوم محد يهينه
ربعي هل الطولات مثل السلاطين=اللي تغيث الناس مدت يمينه
وانا ولد شلال مروي المسانين=اصغر طموحي فاق حكم المدينه
(يما حياة اتسر كل المحبين=والا ممات يغيظ ناس لعينه)
يالله يا رازق جميع المساكين=يا واحد كل البشر مرتجينه
ابعد دروبي عن غثا النقص والشين=واجعل لنا ببحور فضلك سفينه
واغفر ذنوبي ياالاه المصلين=ولا غير فضلك ياالاهي رجينه

للشاعر والكاتب المبدع /

عبدالكريم الشمري

[عامر العنزي]

صــــــــــــــــــ لسانك ــــــــــــــــــــــح



ولسان شاعرها قصيده رائعه


سلمت اخوي ابو احمد على هالنقله المتميزه بذاتها





تحياااااتي

[فهد السلقاوي]

جايز

ذائقه

رائعه

مشكووور على الموضوع

احووووك
فهد السلقاااوي

[سليمان الجعفري]

الاخ العزيز/ ابو احمد

صــــــــــــــــــ لسانك ــــــــــــــــــــــح

ولسان شاعرها قصيده رائعه.. واختيار مميز

الله يعطيك الف عافيه ..لاهنت

تقبل تحياتي

[مشهور الرشدان]

صح السان شاعرها وسلمت يمين ناقلها
تقبل مروري اخوي جائز

[غموض الشمال]

تسلم يمينك اخوي ابو احمد على النقل الجميل
وصح لسانك ولسان شاعرها
تقديري لك

[أبو غرام]

لقد اتحفتموني بحضوركم الذي اثلج صدري

فشكرا لكم من الخاطر
ولاعدمتكم ولاعدمت تواصلكم

اخوكم ابو احمد