من بيت شيخه جالها حمل وانجاب - °~*¤®§(§ شبـــكة ويــلان العـربـيـه §)§®¤*~ˆ°

**سعود المسعودي** · 05/10/10, (07:45 AM)

السلام عليكم ورحمة الله وبركاتة

أسعد الله أوقاتكم يا أحبائنا بكل خير ومحبـه
أولاً أعتذر عن هذا الأنقطاع بسبب الإجازة والسفر
وثانياً أضع بين أيديكم اليوم آخر ما كتبت
وهي بالصوت والكتابة
دمتم طيبين معافين

صوتياً

يامنزل آياته بلا صحف وكتاب
........... وحي(ن) على ختام الرسل ينوحي به
ياكاسي(ن) جرد الفيافي بالأعشاب
........... عقب المحل تمسي وتصبح خصيبه
من مدلهم(ن) تالي الليل صباب
........... قدر ثمان ايام يمشي شعيبه
ارجيك ياللي للجزيلات وهاب
........... نصرك وعفوك يوم ضيق الرحيبه
واجعلنا يوم الحشر ستر وحجاب
...........ياواحد(ن) ماذل من يلتجي به
وعلى طريق العدل مسلك ومقضاب
........... عن زلت(ن) تفرح خطات الزليبه
ما ثارت اعصابي رديين الاعصاب
........... لوكان بالدعوى مشكه وريبه
والحق دايم ياهل العرف غصاب
...........ويزعل للي ماعرف نفض جيبه
السالفه ماهي تماثيل والعاب
........... ياللي تهيجن بين مكه وطيبه
سهيل غايب لكن الجدي ماغاب
...........ياللي تودي العلم مدري تجيبه
فتحت لك باب (ن) تفتح له ابواب
........... ياللعجب ياكبرها من مصيبه
غيا لك الشيطان وخباث الاصحاب
........... في ساعة عنك الجوارح مغيبه
وش عرضك للداب ولشجرة الداب
........... لصار منت الجرح ولا انت بطبيبه
رداة حظ و وافقت عمي الاسباب
........... راحت فوات الحرص مدري غصيبه
عن منطق اسلافك تجاناب تجناب
...........اهل المكارم والعلوم اللبيبه
لو انها بين المحاجر والاهداب
........... ارخصتها بالزاد والا الغبيبه
فتحت لي دولاب من دون دولاب
........... وهبت مجازيل البيوت الاديبه
شاعرواحسب حساب من شيمة حساب
........... ولا المعاني ماعليها ضريبه
ومن راس شيخ(ن) يوم طالب وطلاب
...........كم من طليبن خلصه من طليبه
حلال قالات الجماعه والانشاب
...........ماثارها بين الصحيب وصحيبه
صالح ويصلح قبل شرهات وعتاب
........... هندي بن نومس علومه نجيبه
على النقا ماهي تلافيق وكذاب
...........يالله عسى الفردوس فيها نصيبه
بين الغصون اللي تظلل والاعناب
...........ما تلفحه يوم الحساب اللهيبه
وجدي فعوله خالده بين الاجناب
...........ماهو نبيته لجل مايندري به
من بيت شيخه جالها حمل وانجاب
...........من جده الاول فعوله وطيبه
بعيد الملامه والندامه والارياب
...........فندي بن رغيان ما ينغوي به
غيث(ن)على ارقاب(ن) وسيف(ن)على ارقاب
..........ياطيب اخو نوير ومن يعتزي به
شيخ الذي يثنون بوجيه الاسراب
...........مروين مصقول السيوف العطيبه
يتلون اخو نوير كما شيب الاشياب
...........اللي سبوره ما انثنت للقريبه
ياما صفقها يوم ناهب ونهاب
...........قطم التوادي والمشوك نديبه
اما مجاهيم(ن) لها الصوت جذاب
........... ولا مغاتير(ن) زهتها الجنيبه
اقفو عليها مفتلت عوج الاشناب
...........عيال نومس محلقين الصويبه
افعالها يوم الفعل تسبا اللباب
..........يوم المراجل بالسيوف الغضيبه
ومزبان من ضاقت به فجوج الارحاب
...........الي نصاها يوم شاف الغليبه
يلقا المعزه والفضيله والاعجاب
...........نوامسه دخيلها تحتفي به
والضيف لاجاها لقى كل ترحاب
...........فلة احجاج وعز نفس وذهيبه
روس(ن) سلالة روس ماتعرف الاذناب
........... ياللي تروس يوم شرب الرويبه
مثل السيوف اللي لها حد ونصاب
...........مقطع ذهب ياعز من ينتمي به
ولا اذم وافين الخصايل والانساب
...........اهل المعاني والفعول العجيبه
كل(ن)ورى حقه وفعله والاشعاب
...........ادرى بها شيبانها والشبيبه
واليوم بيرقنا على كل مرقاب
........... على الفخر والطيب يوم انتخي به
دليل شيختنا وطيب(ن)على اطياب
...........جانا من معزي عسى الله يثيبه
عبد العزيز مروض اصعاب الاصعاب
...........ماتجيب مثله ناقضات الذويبه
ويدوم عز اللي على العز حزاب
...........عياله اللي بالمعامق عريبه
وختامها لو شيب القاف ما شاب
...........يزود ماله يالمحسب حسيبه
وهايب(ن)نضربها كل مضراب
...........من فضل رب البيت ماهي غريبه
وتمت على خمسين طاروق بحساب
...........ابختصر وختامها نكتفي به
وصلاة ربي عد ماهب هباب
...........وعداد من زار الحرم يستعي به
على النبي اللي ومرنا للداب
...........المصطفى اللي امته تهتدي به

.

.
.