°ღ°♫╣روحي بلقاك إتفزّ فزّة حمامة╠ ِღ ° - الصفحة 69 - °~*¤®§(§ شبـــكة ويــلان العـربـيـه §)§®¤*~ˆ°

**مشاعر شآمخه** · 16/07/11, (04:24 AM)

صباحكم سعآآآدة

**مشاعر شآمخه** · 20/07/11, (05:01 AM)

مرحبا
ياحبني لكم كل ابوكم
شخباركم
علومكم كيف حبايبكم وخلانكم
نجي للنشرة الخاصه
يالله كلن ينزل اهداء حقي ومعاه علبة حلاو الجوهره
يحقلي اتشرط
قلتم وش المناسبه
اها بعلمكم
بغيت اصير مشاوي انا وراعيني
احترق طبلون الكهرباء
وصارت حوستن ياكثرها
بكتب تفاصيلها نوبتن اخرى
المهم
القهوه والحلاوالأهداء لاتنسونهن
لحضه قبل ذا وذاك
في كل سجده لاتنسون ميشو من دعائكم رجيلتها مقلقتن راحتها

**مشاعر شآمخه** · 24/07/11, (03:50 AM)

النآس قالتْ : منّ يبيعك وإشترى غيرك بعه !
لآ تلحق! اللي منكّ مآيستآهل أسبآب اللحآق !

إختّرت أموت ولآ يقولون الخلآيق إمعه !
وإخترت أفآرق والصدق ، .. يآ كرهـ كرهي للفرآق !

أصبحت مثل الليّ يدور للجهآت الأربعه !
رآح الجهآت الأربعه . . . ولآ زآل في نفس النطآق !

المشكّله ودهـ يفضفض ! بس كلن يصفعه !
من وينْ مآوجه بوجهه " للأسف يلقى طرآق " !

الحزنْ يجتآحه وّ شكل في حيآته زوبعه !
وإحسّآسه بإهمآل الجميع ، يضآهي إحساس المعآق !

الظآهر إن النْآس في " قلب الموآجع " مٌبدعه !
والظآهر إني صرت ممّن لآ يطيق ولآ يطآق !

**مشاعر شآمخه** · 24/07/11, (05:51 AM)

الحياة
مثل لعبة الشطرنج
تحتاج للآعب ماهر يتقن فنونها
مشاعر
شآمخه

**مشاعر شآمخه** · 24/07/11, (06:01 AM)

استودعكم الله
الفراش ينادي

**مشاعر شآمخه** · 25/07/11, (10:36 PM)

حينْ يكونْ الفقدّ مؤلمْ /. يكونْ الصم ـتْ أوفرْ
فـ بعضُ الشعورْ يفقدُ حِسهّ حِينْ يترجمُ ككلِماتْ !"

**مشاعر شآمخه** · 25/07/11, (11:29 PM)

مساكم الله بالخير
يالله حيهم
حلفت ماتقومون من اماكنكم انا بجلس في ذا او في ذاك
خلونا من الرسميات تراهي تلوع السبد وتحومها
شفتو انا
لالا
قصدي اقرو حسيي
تراي انا كلمت ميشو العصلا وتسلم عليكم كلكم
نجي الان لمستجدات الاحداث لدى مشاعر
اليوم
ابشركم بعد لويه رحت المستشفى وجددت مواعيدي
اقربها شهر 11ابعدها شهر 3
اليوم سويت انجاز مثل ليلة امس
مير امس مغصوبه الله وكيلكم امي حشرتن حشر
تعالي عندنا شغل
مدري منو مرضعها ماني هاقيه جدتي جدتي ماعندها اسلوب تطفيش حليله مير امي ريحتها موزينه بالمره بذات عقب سالفة امس
خيشة بصل

خيشه وزنها 6كيلو
كلها قشرتها
خرب المود كله
وبلشت اناشق واناشق وريحتي خياس

وع بصل في بصل
عاد امي تقول لاوالله ماتحطينها بذا المشقلبه كود تقطعينها بيدس
هي
ياميمتي جعل والديس الجنه
الله يهداس هذي اخير واسرع تقول ابدن والله لغير بيديس
مناير تضحك بس موقدام امي لما تصد امي تسويلي حركات ولما تطالع امي تقرى بكتابها نسيت اسمه تقن مدري تغن
وان قلت امانه قطعي معي ثم قالت
يمه انا عندي كوز باسر وهي ماعندها غير الدجه
ثم التفتت امي لي
يالرفلا يومي بعمرس اشتغل لكل جيراني وفوقهن شغل بيتي
لازحلقت على سيرميك ولاكنست بمكنست كهرباء
يووووه
يمه قبل راح حنا عيال اليوم
امانه يايمه وشي الي يقلع ريحت بصلس يويلس مني يايمه قسم كود اردها لس
عاد هي تقول
تلايسي يمال الصلاح وقطعي وانتي ساكته
نوره شاقتن حلقها الابتسامه تقول لمي
والله ياعمه كود حموديها يجيبها عندس اليوم
سبعس
عوذه منس فالس ماقبلناه
الحين يقول ويني عن هلحرمه النشميه
: sm266 :
نشميه الله يهداس اجليه يبي نشميه
: sm116 :
والله يايمه اذا جيت اليوم كود ارقد بغرفتس
لاوالله غرفتي ماترقدين فيها ترقدين عند اختس
: sm74 :
مابي ارقد عندس والله كود ارقد بفراشس
: more55 :
قطعي وانتي ساكته
ياربي ليش تشمتينهن فيني شوفي شلون يضحكن علي
تلتفت عليهن ثم تلتفت لي
تسذبين ياشينه متى ضحكن
هذيك تقطع بقدونس وهذي تقرى بكتبها
ماسمعت ضحك
منس لله ياخيشة البصل
الوكاد اني

قطعتها وطبقت المثل
الي يقول
مكره اخاك لابطل