الى ذائقتكم عسى تنال أعجابكم - °~*¤®§(§ شبـــكة ويــلان العـربـيـه §)§®¤*~ˆ°

**الجضيعي** · 09/07/10, (12:53 AM)

بسم الله الرحمن الرحيم

ما شيلتني سود الايام الاثام=ولا ركعتني للوطا لجل حاجه
تسوقني الدنيا هجاد ومجهام=على سموم الوقت وإلا عجاجه
أواجه الدنيا على كف الاوهام=واصارع الايام لوهي سماجه
واكن في صدري لواهيب الايام= وسوج دوٍ ما حدٍ قبل ساجه
يسج عقلي في متاهات الاحلام=وقوم أخاف ان الهموم اتتواجه
تسوقني نفسي على درب الاقدام=وامشي وراها جعل فيها انفراجه
واصور لنفسي تصاوير الاجسام=على مداد المعرفه واللزاجه
اجسام مليانه وتاريخها اقزام=واجسام مثل المحبره والزجاجه
واجسام قزمه بس تاريخها اجسام=سقم المعادي للقريب علاجه
وناس لهم في مرقب العز مرسام=وناس تروح اعمارهم في هماجه
ورجلٍ على طولت لياليه جزام=ورجلٍ يجي طاريه جود وزراجه
ورجلٍ على غلطة دوانيه عزام=ورجلا يزود به الجهل واللجاجه
ورجلا له المده ورجلا له الزام=ورجلا يجي مع جود مده رجاجه
النفس في يمناك جود لها خطام=عن ميلة الجهيل والآنعواجه
وأياك تسمع قول حاسد ونمام=وقت الخطأ كلٍ يدور خراجه
وخلك على ميلة لياليك مقدام=ولا يبين بك في المايلات انزعاجه
ولا تشيل في وقت القسى سود الاثام=ولا تنحني للذل من شان حاجه

خلف السالم

**عايش الجويعان** · 09/07/10, (01:32 AM)

بسم الله الرحمن الرحيم

ولاتشيل في وقت القسى سود الاثام = = = ولاتنحني للذل من شان حاجه

صح السانك ( اخوي الجضيعي ) قصيده رائعه

ولك مني جزيل الشكر تقديري وحترامي لك 000

**البدر** · 11/07/10, (01:05 AM)

تسلم ياخلف والله لايحرمنا من هالابداع

تقبل مروري المتواضع

**ابو ريناد** · 12/07/10, (03:27 PM)

خلف السالم
مبدع كما عهدتك
رائع ماعطرت به هذا المتصفح
ماننحرمش من جديدك
تقبل مني فائق الود

**سالم صالح** · 12/07/10, (06:05 PM)

خلف السالم

صح السانك والله يعطيك العافية على هذة القصيدة الرائعة

تقبل ودي وتقديري

**خلف الغريب** · 13/07/10, (01:21 AM)

كالعادة يا سمي جزل وعميق جدا ..

الف صح لسانك اخوي خلف ولا غرابة فأنت من اهل الشعر الجزل..

قمت بتعديل بعض الاخطاء الاملائية حتى نستمتع جميعا بقراءة سليمة لهذا الجمال

**عايدالعنزي** · 13/07/10, (02:18 AM)

الشاعر الفذ

خلف السالم

صح لسااانك

وعلى شانك

ابداع وامتاع

كلمة رائع قليله بحقك

دمت لنا ودام هذا العزف والنزف الشاعري

لك

تحياتي

وتقديري