تدري وش اللي يجرح القلب جرحين - °~*¤®§(§ شبـــكة ويــلان العـربـيـه §)§®¤*~ˆ°

**masha3el ** · 06/04/10, (05:50 PM)

تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة

**هلا بالجرح** · 06/04/10, (06:47 PM)

اقتباس:

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

صح لسان الشاعر ~
ولاهنتي ع الطرح
دمتي بخير

**سليمان الجعفري** · 06/04/10, (08:11 PM)

الاخت الفاضله / مشاعل

الله يعطيك الف عافيه على النقل المميز

صح لسان ولسان شاعرها .. لاهنتي

لك اجمل التحايا والاحترام

**سالم صالح** · 06/04/10, (08:19 PM)

الراقية / مشاعل

نقل راااااائع وطرح مميز يلامس القلب فعلاً

الله اكبر على شاعرها وناقلها فهذا دليل على الاختيار المميز والذوق الراقي

تقبلي ودي

**هندي المقبل** · 07/04/10, (06:03 PM)

شكرا يامشاعل على الاختيار الجميل

-- تنيت ان يتم ذكر اسم شاعرها حفاظا على حقوقه --

تقبلي مروري

**عوض بن خميس** · 07/04/10, (06:22 PM)

الاخت الرائعة \ مشاعل

كم انتى رائعة كاعدتك

قصيدة غاية فى الجمال

وختيار روعة من انسانة رائعة

تقبلى اجمل المنى

**الجوكر** · 07/04/10, (07:25 PM)

الكاتبه القديره

مشاعـل

أنتقاء رائع بروعة الذائقه الراقيه التي جلبتها لنا...

صح لسانك ولسان قائلها

تقديري