ركني الخاص (كلمات منتقاه)

[النايفة]

فديت قلبج ياهيا
كل مااشوف الصورة الرمزيه يفز قلبي
حياج الله ويشرفني مرورج

[النايفة]

جتني رسالـة لايمتنـي وانـا لمـت
نفسـي علـى تقصيرهـا بالاصيلـه

مضمون ماقالت : غمت خاطري غمت
بيتين عـن كـل البيـوت الجزيلـه :

((كلمت منهو تشتهـي نفسـك ونمـت
واهملت من لجلك سهر طـول ليلـه

الله يهنيك بهـوى مـن معـه همـت
وانـا لـي الله باللـيـال الطويـلـه)))

ساعة قريت بيوتها صمت في صمـت
كـن الكـلام اللـي بقولـه فشيـلـه

عن مايدنـق رأس محبوبتـي شمـت
هي خابره ربعي مـن ايـة قبيلـه !!


/
/
/
/
/ان نمت تطري لي وتطري اذا قمـت
الحـب خـلا حالـتـي مستحيـلـه

وان قالت اني : في هوى غيرها همت
وهـي لهـا الله باللـيـال الطويـلـه

اقول : لو ليله علـى صدرهـا نمـت
تسـوى بعينـي الـف ليلـه طويلـه

[النايفة]

ماعاد انا فاهم ولاشـي هالحيـن
بس انـي ابقى للمتاهـات راقـي
راقي ؟؟لا والله نازل وخاطري شين
الله يهـدي روعتـي واختناقـي
لو نفترض القا مثل زينهـا زيـن
بنت اتحدا فـي سهرهـا اعناقـي
المشكله القـا مثـل قلبهـا ويـن
صدقني راح اموت مانـي بلاقـي

[النايفة]

في شارعـك قـدام بيتـك بلفتـك
وقفـت تمنعنـي تقاليـد نـاسـك
هم مادروا قلبـي يعانـي لشوفتـك
واني احسد الطفـل لاجـاك باسـك؟؟
ودي احبـك حبتـن فـوق شفتـك
وان ماحصل حبيت خـدك وراسـك
قـدرك بعينـي ماتقيسـه مسافتـك
حبي ذهبك وشوقي عقـود ماسـك
الناس لو هي بكفتـن غيـر كفتـك
كفتـك ترجـح لان ماهـم قياسـك
تباشـرت عينـي نهاريـن رفتـك
متى على الله تترك حـدود ساسـك
الشوق علقني على جـدار طوفتـك
ميّت ضما وانا ادري الماء بكاسـك
ياما ضلوعي عن ردى الوقت ضفتك
وبالبرد تحطبهـا يدينـك وفاسـك
ياليتنـي اقـدر ازورك بغرفـتـك
علـى كتـاب الله قــدام نـاسـك

[النايفة]

مبادئك ماذكـر ولا يـوم لانـت
اكبر من اللي عن هواك اعذلوني
من غيرك الي كل ماغبت صانت
مالومهم لو هم عليك احسدونـي
بالذات انتي لو يقولـون خانـت
ماراح اصدق فيك حتى عيونـي

[النايفة]

كتبت فيك الوفا والصـدق والطيبـة
قصايدٍ للأسف بتطيـح مـن عينـي
(من غدرالأيام جيتك كارهن نفسي)
أول قصيدة بعـد منتـي عرفتينـي
(ومحتاجلك حيل والله يقطع الحاجة)
آخر قصيدة بعـد منتـي تركتينـي
عرفتي الفرق بين الشعر والشاعـر
بس ماعرفتي وش اللي مرثعٍ فينـي
إحساسي اللي ذبحني وراح يذبحني
واللي يبي يقلب الدنيا على سنينـي
الناس تسمع قصيدي فيـك وتصفـق
وأنا أتذكرك يـوم إنـك تخونينـي
....................للمبدع ثامر شبيب

[النايفة]

يا معودني على طـرد السـراب
وشتبي فيني اليا ضاع جهـدي ؟

صرت انا وياك نشبه للسحـاب
لا تجمعنـا تساقطـنـا بــردي

السحاب اليا تساقط بالهضـاب
يحيي القاع الحزيـن الجرهـدي

بس حنا .. لا تساقطنـا عـذاب
نكسر القلب الكبيـر الاجـودي