ركني الخاص (كلمات منتقاه)

[النايفة]

ما أتعس من الدنيا .. قبل تعشقيني ................
................ { ولا أحلى من الدنيا .. بعد عشقك اليوم
تطمنّي .. وإنتي يدينك فـ ايديني ................
................ { مانيب متضايق .. ولانيب محروم

[النايفة]

لا تخاف ..باسلم ،، ترى صدري وسيع
[ والكلمه إللي قلتها لي ،، ( وافيـه ) ! ]

لا صارت الهقوة مطر !! ،، قلبي ربيع
[ وإلاّ الجروح إن زادت " أجر وعافيـه " ]

[النايفة]

البارحـة عنـي لـذيـذ الــكـرى طـــار ... ليـل ذكرتــه مــن حنـــين لحــاشـــي
وخــلا دمـوعي فـوق الأوجــــان نثـار .... مثـل المطــر لا جـــار نهــار الرشــاشــي
لعــل عــظمــه مـا يجـي واهـج النـار ... فـي جنـة الفـردوس حلـو المعـاشـي
عسـاه بالجنه من الـــحـور يــختـــار ... بــرحمــة الــمولــي وسيـــع الفـــراشـي
وانـا يخليـلي هـل الجــود والكـــار ... ودي بـــهم ولا تـــرى الــــرزق مــــاشـــي
أبكــي خليــل ما يــواذي على الجـار ... مــا مــــرة بالــعــمـر للجـــار هـاشــــي



دقات قلبي تزيد بحرة فيها والدمع من مهجتي بالحزن ذرافي

من لوعة يا عسى ربي يجليها حمى غشتني بغم وتنفض أطرافي
ليت الليالي تعود بحلو ما ضيها هيهات ترجع بما روَّح وما طافي
كل(ن) يعزي وأنا روحي أعزيها لرحيل أبوي اللي بالأفضال معطافي
آهـ من الوقت والدنيا أثنِّيها دنيا تفرق شمل بالحيل تنعافي
بسمتك يا والدي ما ني بناسيها تضحك إذا شفتني بالخير متعافي
ليت العمر ساعته تنباع وأشريها بأغلى ثمن يايبه للعمر تنضافي
مسجدك مشتاق للآية وتاليها ××× ومنبرك من عقب ما فارقت له طافي
غرشة دهن عودك بدرجك أغطِّيها ××× أشم ريحه وكنك مقبل(ن) لافي
نظارتك شلتها حزني يبكِّيها ××× حتى المساويك ناحت بين الأرفافي
وعصاك مسنودة(ن) جيت أبحاكيها ××× تقول يكفيني ما فيني ترى كافي
وبستانك اللي به النخلات تسقيها ××× يبست سواقيه تمره دون خرافي
يبه .. يبه .. يا يبه لمن بأطرِّيها؟؟ ××× هني من له أبو حي(ن) وينشافي
فنجال قهوة معاك أوقات نغليها ××× ويضمني بالشتاء في مشلح دافي
همزت رجليك أنا أفدى مواطيها ××× أرجي لبرِّك عسى ما تشكي خلافي
الارض ضاقت علي بأوسع فيافيها ××× ماذقت نوم هني والانس متجافي
فضايلك يا يبه عجزان أوَفِّيها ××× لو صلت بالشعر بيت الألف من قافي
يا ربي تجعله للفردوس ناصيها ××× ومن ثمار الجنان الخضر قطَّافي

[النايفة]

يا سميّ اللي كسر ظهري جفاه ,
.................خبّر أهلك.. لا يزيدون الفجع !!
لين قالوا: يا فلان، وقلت: هاه ,
.................باح سدّي / وأمطرت عيني وجع !

[النايفة]

من كثر ماكنت جارحني وظالمني
قمت اعزل جروحك بقلبي واسميها
اخاف لاحبني غيرك وعاشرني
يشوف صورتك في عيني ويوحيها
نشدت عنك وسمعت اللي يفرحني
وارتاح صدري من هموم يحاتيها
تبي تعرف اللي على الفرقا مصبرني ؟
انك بخير وحياتك مهتني فيها
تدري متى تعرف قدري؟يوم تفقدني
لا رخصت نفسك لشخص مايراعيها
بكره إليا هملوك الناس تذكرني
وتقول عزآه عيني من يداريها

[النايفة]

انـااا مـــالـي على × فرقــاك × قــوهـ
وانـا بالمـوت حصلتـــك يـا (غــالي )

اذا فـي ( قلبـك ) الطيـب مـــروهـ
طلبتـــك...لا تخلينـي لحــــــااالي

[هيـاا العـازمـي]

.
.

يا فديتج يا النايفة

ورب البيت إنها إختيارات لامست شغاف القلب

لأنها تعكس مصداقية المشاعر في كامل حقيقتها


تسلمين يا الغالية

ولا خلا ولا عدم من هالذووق

وأنا في تووق لقراءة المزيد

تقديري

هيـــــااااا