الصبر..و..الرضا

[هيـاا العـازمـي]

المشاركة الأصلية كتبت بواسطة ابو غرام

اسعد الله اوقاتكم بالخير والمسرات

واسمحوا لي بنثر هذه الكيبوردية المتواضعه بينكم
علها ترتقي الى مسامعكم وذائقتكم

لو اكن الصوت تفضحني العيون=دام سدي فاح بيّـن ماخفـاه
الحزن والهم وأطياف الشجـون=ديمةٍ هلت على جمـري غضـاه
مانفعني كثر تشييـد الحصـون=القدر وبله من أعـلاه وسمـاه
ياجنون العشق ياعشق الجنـون=ياعذاب القلب ياشعـرة غـلاه
ياهيام الروح يالـروح الفتـون=ياضباب الانس يالبـرد ودفـاه
ياشعاع النور يالدر المصـون=يا أميرة حرف واحساس ومهاه
ياطشاشة عف في وقت المجـون=يالطيفة حـس وعظـام ونبـاه
يابياض الثلج عن سود الظنـون=يارحيق الشهد يازهـرة حيـاه
في حضورك اكتمل مال وبنون=وفي غيابك دارت الدنيا ورحاه
مايهون الوضع وعيا لا يهـون=لوعة الفرقى شديده فـي لظـاه
كنت اشوفك ضي فكر وزيزفون=كنت اعدك سدرة الحب وبقـاه
كنت اظن الموت له قلبٍ حنون=ناسي انه عبـد خـادم للإلـه
يا إله الكون لك حمـدٍ منـون=والمصايب درب شايك للنجـاه
طالبك يارب تفـرغ للمتـون=صبر وافر يروي الجاش وظمـاه
وطالبك مابين كاف وبين نون=تجمـع الارواح بالجنـه معـاه
مانفعني كثر تشييـد الحصـون=القدر وبله من اعـلاه وسمـاه
راضينٍ باللي جرالي لو يكـون=جرح بعده غايرٍ وسـط اللهاه
الصبر وإن كان فن من الفنـون=الرضا تفاحتـه روضـة جنـاه

وسلامتكم

.
.

وأسعد الله أوقاتك بمثل ما أردتَ لنا

لربِ إنها أبيات مؤثرة جداً وذات مغزى كبير وعمييق

وهي تحكي واقع الايمان بقضاء الله وقدره

ليظل الفقد والافتقاد خنجر يطعنان في الروح

وتظل اخوي ابو غرام كاتب وشاعر متميّز أدباً وشعراً

لله درك

ويصح لسانك وبوحك وفكرك

لاهنت

تقديري

هيــــاااااا

[بنت الكحيلا]

صح السانك اخوي ابو غرام

قصيدة رائعة ومؤثرة جداً

الله يعطيك العافية على هذا الإبداع

لك تحياتي وتقديري

[خلف الغريب]

لو اكن الصوت تفضحني العيون=دام سدي فاح بيّـن ماخفـاه

ودائما عيون العشاق فضاحة يا ابو غرام ..
ذكرتني بقول الشاعر العربي :
عيناك قد دلتا عيني منك على ...أشياء لولا هما ما كنت أدريها
و العين تعلم من عينيي محدثها.. ان كان من حزبها أو من أعاديها


الحزن والهم وأطياف الشجـون
ديمةٍ هلت على جمري غضـاه


ما اشد هذه الديمة لتي اجتمع فيها الحزن والهم والشجن فبالتأكيد انها ستصب جمرا على جمر ..

مانفعني كثر تشييـد الحصـون....ر وبله من أعـلاه وسمـاه
اعتراف مرير ولكن ليس باليد حيلة فهذا هو شأننا جميعا مع القدر ..


الرائع ابو غرام .. كانت لي هذه الوقفات على عجل مع هذا النص الجميل وكعادتك يا ابو غرام من تطور الى تطور ومن جمال الى جمال ..

شكرا لك وتقبل تحياتي ..

[ماجد الغانم]

الغااالي

ابو غرام


هنا استمتعت وارتويت شعراً

....
.
غيمة محملة بالجزالة والأبدااع

لله درك على هذا الحضور

وصح لساانك ...ولاهنت

استمتعت بحق بهذا النص الذي قدمته لنا

اخي ابو غرام

هطول شعري رااقي ايها الراقي

..
.

دمت بكل خير ...,دام هذا التميز

تقبل جل تقديري واحتراامي

[رابح الغضيان]

الشاعر الجميل

ابوغرام

شهادتي مجروووحه

يالغالي

صح لسانك

نص من الطراز الفاخر

نص محبوك من الالف للياء

مبدع لله درك

صح لسانك مره ومليون مره


تحياااتي لك

[ساجر الحثربي]

مايهون الوضع وعيا لا يهـون
لوعة الفرقى شديده فـي لظـاه
كنت اشوفك ضي فكر وزيزفون
كنت اعدك سدرة الحب وبقـاه
كنت اظن الموت له قلبٍ حنون
ناسي انه عبـد خـادم للإلـه
لاهنت اخي ابو غرام صدقني انت من ضمن بعض الشعراء الذي انا ادخل منتدي الشعر لاقراء لهم
لاهنت لاهنت تقبل تحياتي

[عمر الطويلعي]

صح لسااااااانك يا أبو غرام

نص جميل جدا ,, من شاعر مبدع متمكن


تحياتي وتقديري