عبدالعزيز العزي من اهل البره
من قصائده التي امتدح فيها الملك عبدالعزيز يرحمه الله
وهي اطول من ذلك حيث قال:
يا الله ياللي مابعد صك بابــه = ياللي غني وكل خلقه مقاليـــل
رب السما رب الوطن رب مابه = يارب خلقه رب طاها وجبريـــتل
تعلم ما لا نعلم خفيٍ خفا بــه = وتوحي ما لا نوحي من ألفاظ ما قيل
يا من على الطاغي شديد عذابه = نرجي العفو يامن عذابه بسجّيــل
عساي من اللي في يمينه كتابه = ولا تواخذني بالأفعال والقيـــــل
قال الذي زين الغرايب لوى به = شطّر على قافٍ غريب التماثيـــل
ألفٍ هلا باللي لفانا ركابــه = باللي على كور النجايب مراسيـــل
كسرت عصى من سب دين الوهابه = الدين دين الله ولا فيه تبديـــل
وبكتاب ربٍ عزمن هو كتابـه = تعز دينك بالشيوخ المشاكيـــــل
عندي نصيحه دام بالنصح ثابه = قبل البلاوي والمحن والزلازيــــل
كلن يشرع ((للمصاليخ)) بابه = كونوا مماليك لمرذى المراميـــــل
سلام يا مزري النصا ياعذابه = كيف أنت يا معطي المهارالمشاويــل
يا نور نجد وسورها وأنت بابه = يا هاجد الحكام في مظالم الليــــل
عبدالعزيز اللي براسه صلابـه = تعيش يا شارب جميع الفناجيــــل
والسيف مكّن بالعرابي ذبابـه = ظلم بهم عدلٍ وعدلٍ بهم ميـــــل
والسيف الاقصى صابرٍ به رطابه = لا جا هواكم ذبّل السيف تذبيـــل
وصلاة ربي عد ناشي سحابه = ما هل وبلٍ في حقوق المخاييــــل
على النبي الهاشمي والصحابه = اللي بهم سورة تبارك وتنزيــــل
مقاطع شعرية من أرشيف الشاعر:
صلّيت للّي يسمك الطير لاطــار = خرّت دموعي يوم أنا ساجد له
يا الله ياللي للمصلين غفّـــار = ترزقني الجنه وذنبي تحلّـــه
ان مت قبري روض غاطيه نوّار = ولا بدنى من ساعةٍ موجبٍ لـه
وقال :
نطلب اللي جميع الخلق يرجونه = ضامن الرزق للمخلوق سبحانه
الهذيلي كلاماً له.. يشيلونــه = يوم جا في محله جاب ديوانـه
جاب فن النشاما اللي يشيلونه = مايهاب الدخل لاشاش ديقانــه
مثل نقد الذهب لاجو يعدونـه = والذهب صافي جامن ثمن دانـه
قاسم وينكم باللي تعينونــه = عينو اللي سوات الورد ضيفانـه
السلاطين همر.. بيغزلونــه = حدرو باشة بالصدر نيشانـه
قبل فعله معاشه ما يمشونـه = ابذر الشر تلقى الخير ختمانــه
وقال ايضا:
يا فاطري لا تكثرين الحنيــنا = ولايدك بخاطرك كــل دوّاه
تبكين فرقا يوم وأبكي سنينـا = ويلي على فرقا المحبين ويلاه
مدري بلاك مفارق الظاعنينـا = ولا على جيان موقق ومرعاه
يا فاطري هذي سوات اللعينـا = منك الحنين ومني القلب عنّاه
وجدى على العمّان والوالدينا = والعيد يا ماقلت به واحـلالاه
ويحق للوالد وصوله علينــا = والبر ما دام مع الحي نلـقاه
من قبل ما ينسف علينا الدفينا = ولا عليه بساعةٍ ما حضرنـاه
اما عليهم مثل النعايم لفينــا = ولا همزنا همزة مقيط ورشاه
وله ايضا هذه القصيدة:
بديت ذكر الله على كـل شــاني = أرجيه يهيئ لي جميع المطاليب
وما قلتها باغي عطا من لساني = وما همني شوف البني الرعابيب
لاهب نسناس الهوا ذعذعانـي = قمت أتجلد فيه وأعوي عو الذيب
خلاف ذا ياراكبين الهجانــي = فج العضود مهذبات العراقيــب
إلى ان قال:
نجره تويلي الليل له دنديانـي = وسوالف تطرب لها والتعاجيـب
قصر بناه العز ما هوب فانـي = لو فنيت الدنيا بقاله شخانيــب
قصر يقلط به صحون وصياني = وزاد العراق ايدامه الفطر الشيب
امل ان تحوز على رضاكم
04/06/09, (03:04 AM)
يا الله ياللي مابعد صك بابــه @ ياللي غني وكل خلقه مقاليـــل
العرض العادي
