(( والله ماصـديـت عنـكـم قطـاعـة ))

[رابح الغضيان]

شاعر/جزل ياعبدالله

والحمدلله على السلامه وعوده حميدة أن شاءالله

صح السانك

ورفع اله قدرك وشانك

تحياتي لك

[هندي المقبل]

الشاعر المميز عبدالله الدغيثر

ياهلا وغلا والله حيه

اتمنى ان الغياب مايطول

صح لسانك على هذه الرائعه الشعريه التي امتلاءت بالجزاله والابداع

تقبل اعجابي

[سعود المسعودي]

المشاركة الأصلية كتبت بواسطة عبدالله الدغيثر

السلام عليكم ورحمة الله وبركاته
وبعد اعتذر عن انقطاعي عنكم في الفترة الماضية
واهدي لكم هذه الابيات البسيطة التي اتمنى ان تحوز على رضاكم...

يا اللي غلاكم في ضميـري وداعـة=وحفظ الوداعة سنّها ديـن الاسـلام
قدر وغـلا عنـدي يزيـد إرتفاعـه=في خافقي شيّد لـه بيـوت وخيـام
والله ماصديـت عنـكـم قطـاعـة=الوصل حالت دونـه ظـروف الايـام
علـى العهـد ولا طوينـا شراعـه=عهـد المـودة ماتزعزعـه الاوهـام
من لا يطيعه جايـر الوقـت طاعـه=وانا عصاني وقتـي وطعتـه الـزام
الوقـت كـم مشّـى علينـا خداعـه=واصبر واكن الحزن مع ضيقة العـام
ويزيدنـي ضيـم الليالـي شجاعـة=وازداد وصل(ن) للقرايـب والارحـام
وإلا القطاعـة مـا وراهـا طماعـة=والوصل تجديد العهـد بيـن الانـام
يحيي عروق الـود بيـن الجماعـة=ويغسل قلوب اهل التباغض والاخصام
يقودنـي لأهـل الوفـاء والسناعـة=سلك(ن) دقاق ادق من غزل الانعـام
ولوالـزمـن تناهشتـنـا سبـاعـه=وظعنا مع الامال واضغـاث الاحـلام
ولو صار مالي في حياتـي شفاعـة=واقفت بي الدنيا ذليـل(ن) ومنضـام
يبقى معـي منهـا كنـوز القناعـة=وتبقى معرفتكم لنـا تـاج و وسـام
يا اللي غلاكم في ضميـري وداعـة=الوصل حالت دونـه ظـروف الايـام

اخوكم /عبدالله الدغيثر

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

[حتمــاوويه]

صح لسانك وعلا شانك