( قصــيـــدة شبــكــــة ويـــــلان ) ..دعــوة لكــافــة الشــعــراء

[أبو غرام]

الالف اببـدا و اقطـف مـن المعانـي
الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي
و العلـم غانـم و الجزالـه بويـلان
والبـا بـدايـة قافـنـا نـذكـر الله
مبري سقيم الجسـم مـن كـل علـة
اللـي فطـر فينـا الهدايـه جبـلـه
وشرع لنا الاسلام هو خيـر الاديـان
والتـا توكلنـا علـى خيـر بــاري
منشي مزوناً منهـن السيـل جـاري
الـواحـد الـلـي بالخفـيـات داري
سبحان رب الكـون سبحـان سبحـان
والثاء ثبت في صرحنـا الطيـب لازال
وهذي عوايدنـا علـى مـر الاجيـال
ومن يجحد المعـروف ماهـو برجـال
من ..؟ يرسل المكتوب من غير عنوان
والجا جميل القول ينجب لـك اخـوان
من غير قومك تقترب ناس واعـوان
قالوا قديـم العـرف بالقـول ميـزان
من عاقبه بالفعـل ضايـع وخسـران
والحـاء حبيـب الـكـل يامنتـدانـا
حـنـا تجمعـنـا يـخـوف عـدانـا
وليـا بغانـا مــن بغـانـا لقـانـا
متجمعيـن وكلنـا مـثـل الأخــوان
والخاء خيـوط الطيـب ياهـي قويـة
مـن بيننـا سلـم المحـبـة عتـيـة
لـو نبتعـد نبقـى قلوبـن سـويـة
مافرق اهـل الطيـب دورات الازمـان
والـدال دوك العلـم لاصـرت واعـي
حـق الخـوي لابـد انـك تـراعـي
يبقى الخوي في نهجنـا مـا يباعـي
لأن الأخــوة ماتـقـدر بالاثـمـان
والذال ذل المال ماهـو علـى الكيـف
تخونـك الأيــام لازارك الضـيـف
ماينفعك لو تشهـر الرمـح والسيـف
المرجلـه صـارت تقـدر بالاثـمـان
والراء رقي المجـد ماهـو ب(هيّـن)
لابـد تتعـب ليـن ذكــرك يبـيّـن
مـن لاصبـر للعسـر ماشـاف ليّـن
هذي هـي الدنيـا مسـرات واحـزان
والـزاي زاد أهـل العقـول السليمـه
بالديـن هـو نعـم الثمـن والغنيمـه
ياراجـي مــد الكـريـم ونعيـمـه
نهـار ماينفـعـك ربــع وخــلان
والسين: ساد العلم فـي كـل الاقطـار
يحمي عماد الدين يحفـظ هـل الـدار
ومـن لا تعلـم فاقـد الـدور محتـار
العلم دايـم سـراج نـوره بالأذهـان
و الشين شفت العـز خيـر الزهايـب
و الطيـب درب ٍ تنتويـه الركـايـب
و اللي تـرك درب الزحازيـح خايـب
و الطيب ما يجزا جحـود ٍ و نكـران
والصا صفـاة القلـب حطـه بتعبـار
احذر يكون الجاش اسود كمـا القـار
واعلم تـرى صاحبـه جـلاّب للعـار
لـو تقربـه تلفحـك غبنـه وطغيـان
والضاء ضروف الوقت يا هي غريبـة
الـي يشـب النـار ماحـدن دريبـة
والـي معـه ميـلان كلـن قريـبـة
كثرة فلوسك صـارت اليـوم ميـزان
والطـا طويـل البـال ماهـو بهالـك
ليازاد بك صبرك تـرى الزيـن فالـك
ولاتـدع دنيـاك هـي راس مـالـك
والدايـم الله كـل مـن فوقهـا فـان
والظامـا روحـي علـى خـوة اللـي
ماهرجته وش قال وش قلت قـل لـي
اللـي لخـاطـر صاحـبـه مايعـلـي
إن مالفـاك بـزوود ماجـا بنقصـان
والعين عينك خلها سترن وصـون
لا تكشف العوره ترى الدين مديون
من يكشف العورات لاشك مجنون
يفضح وعقب الستر ينذل ويهـان
والغين غير أهل الوفا والشجاعـه
لاتقتدي به لوهـو مـن الجماعـه
وادرك..ترى أعظم كنز كنز القناعه
وحط المراجل بين الأعيان نيشـان
والفا فرايض دينك اليوم صنهـا
حذرا تراخا يابيض الوجه عنها
اومر بمعروف وعن المنكرانها
ولاتجزي الاحسان الا بالاحسان
==============

تيسرت والف شكر للجميع

ولازلنا ننتظر منكم الابداع

فانتم عيون لا تنضب من الشعر

[نايف سعد الخمعلي]

والقاف قفت حاجةالسيف والرمح=ترى السلاح العلم والخاطر السمح
واخير مايداوي بعض زلة الدمح=والأمن ساد بظل ذربين الأيمِِِان

[نايف سعد الخمعلي]

والكاف كلام البشر لايهمك =مادمت عارف وش هي عروق دمك
لاصرت ناجح صار كلن يذمك=والتجربة للمرجلة خير ميدان

[جبار بن عابر]

واللام لا تمشي دروب الحماقه == ووثق مع الطيب حبال العلاقه

وخل الردي لاتجمعك به صداقه == واحذر وخلك بالمواقف كحيلان

[ناجي الخمشي]

الله يعطيكم العافيه وبيض الله وجيهكم الجميع وأعتذر عن التأخير

الميم ما بين الرجال الأديبه=عند العرب لنا معزه وهيبه
سيوفنا وقت الملاقى عطيبه = يشهد لنا التاريخ حضراً وبدوان

[سلطان اليحيى]

النون ناقف صفن لكل عايل=و نفخر مدام انا من عيال وايل
ابلا قصورن في جميع القبايل=و الحق يبقى عند الاجواد نيشان

[نايف سعد الخمعلي]

ناجي
سلطان صحت السنتكم
ملاحظة :
نرجو الانتباه لماقف البيت لايتكرر
الله يعطيكم الف عافيه